இலங்கை கிரிக்கெட் நிறுவனம் வெளியிட்டுள்ள ஊடக அறிக்கையின்படி, 2026 ஆம் ஆண்டு நடைபெறவுள்ள ஐசிசி ஆடவர் T20 உலகக் கிண்ணப் போட்டிகளுக்கான டிக்கெட் விற்பனை நிலையங்கள் 2026 பெப்ரவரி 3ஆம் திகதி முதல் திறக்கப்படவுள்ளன.
இதற்கமைய, இலங்கை கிரிக்கெட் தலைமையகத்திலுள்ள விற்பனை நிலையம் பெப்ரவரி 3 முதல் அனைத்து நாட்களிலும் திறந்திருக்கும். கொழும்பு ஆர். பிரேமதாச சர்வதேச கிரிக்கெட் மைதானத்தின் 1ஆம் இலக்க வாயிலில் அமைந்துள்ள விற்பனை நிலையம் பெப்ரவரி 4ஆம் திகதி முதலும், கண்டி பல்லேகல சர்வதேச கிரிக்கெட் மைதானத்தின் 5ஆம் இலக்க வாயிலில் அமைந்துள்ள விற்பனை நிலையம் பெப்ரவரி 7ஆம் திகதி முதலும், போட்டிகள் நடைபெறாத நாட்களில் மாத்திரம் திறக்கப்படும்.
போட்டிகள் நடைபெறும் நாட்களில், ஆர். பிரேமதாச கிரிக்கெட் மைதானத்திற்கான டிக்கெட்டுகளை ஒருகொடவத்த விற்பனை நிலையத்திலும், பல்லேகல மைதானத்திற்கான டிக்கெட்டுகளை பலகொல்ல அபிதா மைதானத்திலுள்ள விற்பனை நிலையத்திலும் பெற்றுக்கொள்ள முடியும். அனைத்து விற்பனை நிலையங்களும் காலை 10.00 மணி முதல் மாலை 5.00 மணி வரை செயற்படும்.
- இங்கிலாந்து T20 தொடரிலிருந்து விலகும் எஷான் மாலிங்க
- தசுன் ஷானக தலைமையில் பலமான இலங்கை T20 குழாம் அறிவிப்பு
ICC MEN’S T20 WORLD CUP 2026, MEN’S T20 WORLD CUP, ICC, ICC T20 WORLD CUP 2026, ICC T20 WORLD CUP 2026டிக்கெட்டுகளின் விலைகள் ரூபா 1,000 முதல் ரூபா 10,000 வரையான விலைகளில் நிர்ணயிக்கப்பட்டுள்ளன. டிக்கெட் கொள்வனவின் போது ஒரு நபர் இலங்கை அணி பங்குபெறும் போட்டிகளுக்கு அதிகபட்சமாக 4 டிக்கெட்டுகளையும், இலங்கை அணி பங்குபெறாத ஏனைய போட்டிகளுக்கு அதிகபட்சமாக 10 டிக்கெட்டுகளையும் இணையதளம் அல்லது நேரடி விற்பனை நிலையங்கள் ஊடாகக் கொள்வனவு செய்ய முடியும்.
அத்துடன், ரசிகர்கள் ஆர். பிரேமதாச மைதானம், எஸ்.எஸ்.சி (SSC) மைதானம் மற்றும் பல்லேகல மைதானங்களில் நடைபெறும் போட்டிகளுக்கான டிக்கெட்டுகளை BookMyShow இணையதளம் ஊடாகவும் இலகுவாகப் பெற்றுக்கொள்ளலாம்.
Online டிக்கெட் கொள்வனவு
கொழும்பு ஆர். பிரேமதாச சர்வதேச கிரிக்கெட் மைதானத்தில் நடைபெறும் போட்டிகள்: https://in.bookmyshow.com/sports/colombo-icc-men-s-t20-wc-2026/ET00473660
கொழும்பு எஸ்.எஸ்.சி மைதானத்தில் நடைபெறும் போட்டிகள்: https://in.bookmyshow.com/sports/ssc-colombo-icc-men-s-t20-wc-2026/ET00474206
கண்டி பல்லேகல மைதானத்தில் நடைபெறும் போட்டிகள்: https://in.bookmyshow.com/sports/kandy-icc-men-s-t20-wc-2026/ET00473591
>>மேலும் கிரிக்கெட் செய்திகளைப் படிக்க<<
