பஹ்ரைன் கிரிக்கெட் அணிக்கு கரம் கொடுத்த இலங்கை கிரிக்கெட்

ஐ.சி.சி. இன் அங்கத்துவ நாடுகளின் கிரிக்கெட் (Associate Nations) கிரிக்கெட் வளர்ச்சியை ஊக்குவிக்கும் முயற்சிகளின் ஒரு பகுதியாக, இலங்கை கிரிக்கெட் சபை (SLC), பஹ்ரைன் கிரிக்கெட்டிற்கு (Bahrain Cricket Federation) அதன் அணியை இலங்கையில் பயிற்றுவிப்பதற்கான பயிற்றுவிப்பு உதவிகளை வழங்கியிருக்கின்றது.   

தலைவர் பதவியிலிருந்து ஹர்மன்பிரீத் கவுர் திடீர் விலகல்

இதற்கமைய இலங்கையில் செப்டம்பர் 15ஆம் திகதி தொடக்கம் ஒக்டோபர் 1 வரை முகாமிட்டிருந்த பஹ்ரைன் கிரிக்கெட் அணியானது பல தொடர் பயிற்சி அமர்வுகளில் பங்கேற்றதுடன், இலங்கை கிரிக்கெட் சபையினால் ஏற்பாடு செய்யப்பட்ட மூன்று போட்டிகள் கொண்ட T20 பயிற்சி தொடரிலும் விளையாடியிருந்தது.  

இலங்கை கிரிக்கெட் நிறுவனம், பஹ்ரைன் அணிக்குப் பயிற்சி மைதானங்கள், வலைப்பயிற்சி வசதிகள் (Indoor Nets) மற்றும் பந்துவீச்சு இயந்திரங்கள் (Bowling Machines) உள்ளிட்ட பல்வேறு பயிற்சி உதவிகளை மேற்கொண்டிருந்தது.  

பஹ்ரைன் கிரிக்கெட் சம்மேளனத் தலைவர் திரு. மொஹமட் மன்சூர், இலங்கை கிரிக்கெட் மறுசீரமைப்புக் குழுவின் தலைவர் திரு. எரான் விக்ரமரட்னவைச் சந்தித்து, இலங்கையில் தரித்திருந்த காலத்தில் பஹ்ரைன் அணிக்கு இலங்கை கிரிக்கெட் நிறுவனம் வழங்கிய ஆதரவிற்குத் தனது நன்றிகளைத் தெரிவித்திருந்தார். 

>>மேலும் கிரிக்கெட் செய்திகளைப் படிக்க<<