இந்திய 19 வயதின் கீழ் அணிக்கு எதிராக நடைபெறவுள்ள மூன்று ஒருநாள் மற்றும் இரண்டு நான்கு நாள் போட்டிகளில் விளையாடவுள்ள இலங்கை 19 வயதின் கீழ் குழாம் உத்தியோகபூர்வமாக அறிவிக்கப்பட்டுள்ளது.
அறிவிக்கப்பட்டுள்ள இலங்கை குழாம்களில் தமிழ்பேசும் வீரர்களான விக்னேஷ்வரன் ஆகாஸ் மற்றும் குகதாஸ் மாதுளன் ஆகியோர் இடம்பிடித்துள்ளனர்.
>>LPL தொடருக்கான போட்டி அதிகாரிகள் விபரம் வெளியானது<<
விக்னேஷ்வரன் ஆகாஸ் ஒருநாள் மற்றும் நான்கு நாள் போட்டிகள் என இரண்டு குழாம்களிலும் இடம்பிடித்துள்ளதுடன், குகதாஸ் மாதுளன் ஒருநாள் குழாத்தில் இடம்பிடித்துள்ளார்.
ஒருநாள் போட்டிகள் இம்மாதம் 4, 6 மற்றும் 9 ஆம் திகதிகளில் ஹம்பாந்தோட்டை மஹிந்த ராஜபக்ஷ மைதானத்தில் நடைபெறவுள்ளன. இதனையடுத்து 13ஆம் திகதி முதல் நான்கு நாள் போட்டி காலி சர்வதேச கிரிக்கெட் மைதானத்திலும், இரண்டாவது நான்கு நாள் போட்டி 20ஆம் திகதி கொழும்பு ஆர்.பிரேமதாஸ மைதானத்திலும் நடைபெறவுள்ளன.
இலங்கை ஒருநாள் மற்றும் நான்கு நாள் போட்டிகளுக்கான அணியின் தலைவராக விமத் டின்சார பெயரிடப்பட்டுள்ளதுடன், கவீஜ கமகே உப தலைவராக நியமிக்கப்பட்டுள்ளார்.
>> முதல் டெஸ்ட் போட்டியில் இலங்கை படுதோல்வி <<
இலங்கை U19 ஒருநாள் குழாம்
ரெஹான் பீரிஸ், திமந்த மஹாவிதான, செனுஜ வெகுங்கொட, விமத் டின்சார (தலைவர்), கவீஜ கமகே, சாமிக ஹீணட்டிகல, சமரிந்து நெத்சர, துல்னித் சிகேரா, செத்மிக செனவிரத்ன, விக்னேஷ்வரன் ஆகாஸ், குகதாஸ் மாதுளன், ஜேசன் பெர்னாண்டோ, கிம்ஹான் மெண்டிஸ், திமத் அபேசிங்க, கித்ம விதானபத்திரண
இலங்கை U19 நான்கு நாள் போட்டிக்கான குழாம்
திமந்த மஹாவிதான, ரெஹான் பீரிஸ், செனுஜ வெகுங்கொட, விமத் டின்சார (தலைவர்), கவீஜ கமகே, சாமிக ஹீணட்டிகல, ஜேசன் பெர்னாண்டோ, ஜேசன் பெர்னாண்டோ, துல்னித் சிகேரா, எஸ்.ஏ. இந்துவர, விக்னேஷ்வரன் ஆகாஸ், ரமிரு பெரேரா, லதேந்ரா ஆகாஸ், ஓசத மானஹர, திமத் அபேசிங்க, சமரிந்து நெத்சர, விரான் சமுதித்த
>>மேலும் கிரிக்கெட் செய்திகளைப் படிக்க<<
