நுவனிதுவின் அதிரடியில் க்ரேய்ஸ் அணிக்கு வெற்றி

இலங்கை கிரிக்கெட் சபையின் (SLC) ஏற்பாட்டில் ஒழுங்கு செய்யப்பட்டுள்ள இலங்கை வீரர்களுக்கான T20 லீக் தொடரின் ஐந்தாவது  போட்டியில் க்ரேய்ஸ் அணியானது 6 விக்கெட்டுக்கள் வித்தியாசத்தில் ப்ளூஸ் அணிக்கெதிராக வெற்றியினைப் பதிவு செய்துள்ளது.

>>துஷான் ஹேமன்தவின் மிரட்டல் பந்துவீச்சில் கீரின்ஸ் அணிக்கு வெற்றி

கொழும்பு SSC மைதானத்தில் முன்னர் ஆரம்பித்த இந்தப் போட்டியில் நாணய சுழற்சியில் வென்ற பெதும் நிஸ்ஸங்க தலைமையிலான ப்ளூஸ் அணியினர் முதலில் துடுப்பாட்டத்தினை தெரிவு செய்தனர்.

இதன்படி முதலில் ஆடிய அவ்வணி பெதும் நிஸ்ஸங்க மூலம் சிறந்த ஆரம்பம் பெற்றது. அணியின் மத்திய வரிசை வீரர்கள் தடுமாறிய போதும், ரவிந்து பெர்னாண்டோ மற்றும் தசுன் ஷானக்க ஆகியோர் அதிரடி காண்பிக்க ப்ளூஸ், 6 விக்கெட்டுக்களை இழந்து 20 ஓவர்களில் 178 ஓட்டங்கள் பெற்றது.

ப்ளூஸ் அணிக்காக பெதும் நிஸ்ஸங்க 15 பந்துகளில் 2 சிக்ஸர்கள் மற்றும் 3 பௌண்டரிகள் அடங்கலாக 30 ஓட்டங்கள் எடுக்க, ரவிந்து பெர்னாண்டோ 24 பந்துகளில் 41 ஓட்டங்கள் எடுக்க, தசுன் ஷானக்க  ஆட்டமிழக்காது 19 பந்துகளில் 2 சிக்ஸர்கள், 3 பெளண்டரிகளோடு 35 ஓட்டங்கள் எடுத்தார். க்ரேய்ஸ் பந்துவீச்சில் கருக்க சங்கேத் 2 விக்கெட்டுக்களை சுருட்டினார்.

>>ஐசிசி தரவரிசையில் இலங்கைக்கு முன்னேற்றம்!

பின்னர் போட்டியின் வெற்றி இலக்கான 179 ஓட்டங்களை அடைய பதிலுக்கு துடுப்பாடிய க்ரேய்ஸ் அணியானது நுவனிது பெர்னாண்டோவின் அதிரடி ஆட்டத்தோடு 17.1 ஓவர்களில் 4 விக்கெட்டுக்களை மாத்திரம் இழந்து போட்டியின் வெற்றி இலக்கினை அடைந்தது.

க்ரேய்ஸ் அணியின் வெற்றியினை உறுதி செய்த தினேஷ் சந்திமால் 25 பந்துகளில் 44 ஓட்டங்கள் பெற, நுவனிது பெர்னாண்டோ 34 பந்துகளில் 4 பௌண்டரிகள் ஒரு சிக்ஸர் அடங்கலாக 50 ஓட்டங்கள் எடுத்தார். சரித் அசலன்கவும் க்ரேய்ஸ் அணிக்காக சரித் அசலன்கவும் 28 பந்துகளில் 45 ஓட்டங்கள் பெற்றமை குறிப்பிடத்தக்கது.

போட்டியின் சுருக்கம்

 

ப்ளூஸ் – 178/6 (19.4) ரவிந்து பெர்னாண்டோ 41, கருக்க சங்கேத் 46/2

 

கீரின்ஸ் – 179/6 (17.1) நுவனிது பெர்னாண்டோ 50, சரித் அசலன்க 45, தினேஷ் சந்திமால் 44, மதீஷ பதிரன 32/2