மேற்கிந்திய தீவுகள் அணிக்கு எதிரான 5 போட்டிகள் கொண்ட ஒருநாள் தொடருக்கான 16 பேர் கொண்ட நியூசிலாந்து குழாம் வெளியிடப்பட்டுள்ளது.
LPL தொடருக்கான போட்டி அதிகாரிகள் விபரம் வெளியானது
மேற்கிந்திய தீவுகள் மற்றும் நியூசிலாந்து அணிகள் ஆடும் ஒருநாள் தொடர் ஜூலை 11ஆம் திகதி கயானாவில் தொடங்குகிறது. ஒருநாள் தொடரின் முதல் மூன்று போட்டிகளும் ஜூலை 11, 13 மற்றும் 16 ஆகிய திகதிகளில் கயானாவில் நடைபெறவுள்ளதோடு, இறுதி இரண்டு போட்டிகளும் ஜூலை 19 மற்றும் 21 ஆகிய திகதிகளில் பார்படோஸில் நடாத்த திட்டமிடப்பட்டிருக்கின்றது.
இந்த ஒருநாள் தொடருக்காக அறிவிக்கப்பட்டுள்ள நியூசிலாந்து குழாத்தில் இளம் வேகப்பந்துவீச்சாளரான மேட் பிஷர் இடம் பிடித்துள்ளதோடு முதன் முறையாக ஒருநாள் போட்டிகளில் ஆடும் வாய்ப்பினையும் பெற்றுள்ளார். ஏற்கனவே நியூசிலாந்து அணிக்கு டெஸ்ட் மற்றும் T20 போட்டிகளில் ஆடியுள்ள பிஷர் 25 List A போட்டிகளில் விளையாடி 26 என்கிற பந்துவீச்சு சராசரியுடன் 43 விக்கெட்டுகளை வீழ்த்தியுள்ளார்.
அதேவேளை, அண்மையில் நடைபெற்ற இங்கிலாந்துக்கு எதிரான டெஸ்ட் தொடரைத் தவறவிட்ட ஜேகப் டப்(f)பி மீண்டும் நியூசிலாந்து அணிக்குத் திரும்பியுள்ளமை சுட்டிக்காட்டத்தக்கது.
மிச்சல் சான்ட்னர் மேற்கிந்திய தீவுகள் தொடரிற்கான நியூசிலாந்து அணியை வழிநடத்தவுள்ளதோடு அவருடன் இணைந்து மைக்கல் பிரஸ்வெல், ஜெய்டன் லென்னொக்ஸ் மற்றும் டீன் பொக்ஸ்கிராப்ட் ஆகியோர் சுழற்பந்துவீச்சுதுறைக்கு பங்களிப்புச் செய்யவிருக்கின்றனர். அத்துடன் நியூசிலாந்தின் அண்மைய போட்டிகளைத் தவறவிட்ட மார்க் சாப்மனும் ஒருநாள் அணிக்குத் திரும்பியுள்ளார்.
அதேநேரம் அதிக பணிச்சுமை காரணமாக கைல் ஜேமிசன், மேட் ஹென்றி மற்றும் வில் ஓரூக்கே’ ஆகியோருக்கு ஓய்வளிக்கப்பட்டுள்ளதோடு, ப்ளையர் டிக்னரிற்கு சத்திர சிகிச்சை ஒன்றின் காரணமாக விடுகை வழங்கப்பட்டிருக்கின்றது. அத்துடன் தனது இரண்டாவது குழந்தையின் பிறப்பு காரணமாக டெவோன் கொன்வே இந்தத் தொடரைத் தவறவிடுகிறார். அதேவேளை ரச்சின் ரவீந்திராவும் மேஜர் லீக் கிரிக்கெட் தொடரில் பங்கேற்க செய்து கொண்ட இத்தொடரில் ஆடவில்லை.
நியூசிலாந்து ஒருநாள் குழாம்
மிச்சல் சான்ட்னர் (தலைவர்), மைக்கல் பிரஸ்வெல், மார்க் சாப்மன், கிறிஸ்டியன் கிளார்க், ஜேகப் டப்(f)பி, மேட் பிஷர், பொக்ஸ்கிராப்ட், மிட்ச் ஹேய், நிக் கெல்லி, டொம் லாதம் (விக்கெட்காப்பாளர்), ஜெய்டன் லென்னொக்ஸ், டேரைல் மிச்செல், ஹென்றி நிக்கோல்ஸ், பென் சீர்ஸ், நதன் ஸ்மித், வில் யங்.
>>மேலும் கிரிக்கெட் செய்திகளைப் படிக்க<<
