ஐ.சி.சி. ஆடவர் T20 உலகக் கிண்ணத் தொடரின் தீர்மானம் கொண்ட சுப்பர் 8 மோதலில் பாகிஸ்தானிடம் இலங்கை 5 ஓட்டங்கள் வித்தியாசத்தில் போராட்ட தோல்வியடைந்துள்ளது.
>> 2026 மகளிர் T20 உலகக் கிண்ணம்; போட்டி அட்டவணை மற்றும் அணிகள் விபரம் வெளியீடு
இலங்கை அணிக்கு T20 உலகக் கிண்ண அரையிறுதி வாய்ப்பு ஏற்கனவே பறிபோன நிலையில், பாகிஸ்தானின் அரையிறுதி வாய்ப்பினை தீர்மானிக்கும் குழு 2 அணிகளின் இந்த சுப்பர் 8 போட்டி முன்னதாக கண்டி பல்லேகல மைதானத்தில் ஆரம்பமாகியது.
போட்டியின் நாணய சுழற்சியில் வென்ற பெற்ற இலங்கை அணியின் தலைவர் தசுன் ஷானக்க, முதலில் பந்துவீச்சினைத் தெரிவு செய்தார். இப்போட்டிக்கான இலங்கை குழாம் ஜனித் லியனகே மற்றும் கமில் மிஷார ஆகியோரை உள்வாங்கியிருந்தது.
இலங்கை XI:
பெதும் நிஸ்ஸங்க, கமில் மிஷார, சரித் அசலங்க, பவான் ரத்நாயக்க, கமிந்து மெண்டிஸ், தசுன் ஷானக்க (தலைவர்), ஜனித் லியனகே, துனித் வெல்லாலகே, மகீஷ் தீக்ஸன, துஷ்மன்த சமீர, டில்ஷான் மதுஷங்க.
பின்னர் நாணய சுழற்சிக்கு அமைய முதலில் துடுப்பாடிய பாகிஸ்தான் அணி ஆரம்பத் துடுப்பாட்ட வீரர் சாஹிப்சதா பர்ஹான் மற்றும் பக்கர் சமான் ஆகியோரது அதிரடி துடுப்பாட்டம் காரணமாக 20 ஓவர்கள் நிறைவில் 8 விக்கெட்டுக்களை இழந்து 212 ஓட்டங்களைப் பெற்றது.
பாகிஸ்தான் துடுப்பாட்டத்தில் பர்ஹான் 60 பந்துகளில் 5 சிக்ஸர்கள் மற்றும் 9 பௌண்டரிகள் அடங்கலாக சதம் விளாசி 100 ஓட்டங்கள் பெற்றார். இந்த தொடரில் இது அவரின் இரண்டாவது சதமாகவும் மாறியது. மறுமுனையில் பக்கர் சமான் 42 பந்துகளில் 84 ஓட்டங்களைப் பெற்றார்.
இலங்கை அணியின் பந்துவீச்சில் டில்ஷான் மதுஷங்க 3 விக்கெட்டுக்களையும், தசுன் ஷானக்க 2 விக்கெட்டுக்களையும் கைப்பற்றியிருந்தனர்.
பின்னர் 213 ஓட்டங்கள் என்கிற இமாலய வெற்றி இலக்கினை நோக்கிப் பதிலுக்கு ஆடிய இலங்கை அணிக்கு ஆரம்பமே பின்னடைவாக அமைந்தது. பெதும் நிஸ்ஸங்க வெறும் மூன்று ஓட்டங்களுடன் ஏமாற்றமளிக்க போதிலும், கமில் மிஷார மற்றும் சரித் அசலங்க ஓரளவுக்குக் கைகொடுத்தனர். இதில் கமில் மிஷார 26 ஓட்டங்களையும், சரித் அசலங்க 25 ஓட்டங்களையும் பெற்றனர்.
பின்னர் மத்திய வரிசையில் களம் வந்த பவான் ரத்நாயக்க மற்றும் தலைவர் தசுன் ஷானக்க ஆகியோர் பாகிஸ்தான் பந்துவீச்சை நாலாபுறமும் சிதறடித்து ஓட்டங்கள் பெற்றனர். பவான் ரத்நாயக்க 37 பந்துகளில் 58 ஓட்டங்களைக் குவித்து ஆட்டமிழந்தார்.
எனினும் போட்டியின் இறுதி ஓவர் வரை போராடிய தசுன் ஷானக்க இறுதி ஓவரில் இலங்கையின் வெற்றிக்கு 28 ஓட்டங்கள் தேவைப்பட்ட போது, ஷஹீன் அப்ரிடியின் பந்துவீச்சில் ஒரு பௌண்டரி மற்றும் தொடர்ச்சியாக அதன் பின்னர் மூன்று தொடர் சிக்ஸர்களை விளாசி மைதானத்தையே அதிரவைத்தார். பின்னர் இறுதி இரண்டு பந்துகளில் 6 ஓட்டங்கள் தேவைப்பட்ட நிலையில் பாகிஸ்தான் போராடி வெற்றியை உறுதி செய்தது. இதில் இறுதி ஓவரின் 5ஆவது பந்து தொடர்பிலான நடுவரின் “Wide” முடிவானது சர்ச்சையை ஏற்படுத்தியிருந்தமை சுட்டிக்காட்டத்தக்கது.
இறுதியில் இலங்கை அணி 20 ஓவர்கள் நிறைவில் 6 விக்கெட்டுக்களை இழந்து 207 ஓட்டங்களைப் பெற்று 5 ஓட்டங்களால் தோல்வியடைந்தது. இறுதிவரை ஆட்டமிழக்காது நின்ற தசுன் ஷானக்க 31 பந்துகளில் 2 பௌண்டரிகள் மற்றும் 8 சிக்ஸர்களுடன் 76 ஓட்டங்களைக் குவித்தார்.
பாகிஸ்தான் பந்துவீச்சில் அப்றார் அஹமட் 3 விக்கெட்டுக்களைச் சாய்த்தார். இந்தப் போட்டியின் வெற்றியை அடுத்து பாகிஸ்தான் அணி தொடரை வெற்றியுடன் நிறைவு செய்துள்ள போதிலும், நிகர ஓட்ட விகித (NRR) அடிப்படையில் நியூசிலாந்து அரையிறுதிக்குத் தகுதி பெற்றுள்ளமை குறிப்பிடத்தக்கது.
இந்தப் போட்டியின் ஆட்டநாயகனாக சாஹிப்சதா பர்ஹான் தெரிவானார்.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Sahibzada Farhan | c Janith Liyanage b Dilshan Madusanka | 100 | 57 | 9 | 5 | 175.44 |
| Fakhar Zaman | b Dushmantha Chameera | 84 | 42 | 9 | 4 | 200.00 |
| Khawaja Nafay | c Charith Asalanka b Dilshan Madusanka | 2 | 3 | 0 | 0 | 66.67 |
| Shadab Khan | run out (Dilshan Madusanka) | 7 | 2 | 1 | 0 | 350.00 |
| Mohammad Nawaz | c Maheesh Theekshana b Dasun Shanaka | 0 | 1 | 0 | 0 | 0.00 |
| Agha Salman | c Maheesh Theekshana b Dasun Shanaka | 0 | 2 | 0 | 0 | 0.00 |
| Junaid Khan | not out | 8 | 4 | 1 | 0 | 200.00 |
| Shaheen Shah Afridi | lbw b Dilshan Madusanka | 4 | 2 | 1 | 0 | 200.00 |
| Naseem Shah | run out (Kusal Mendis) | 1 | 1 | 0 | 0 | 100.00 |
| Abrar Ahmed | not out | 0 | 0 | 0 | 0 | 0.00 |
| Extras | 6 (b 0 , lb 3 , nb 0, w 3, pen 0) |
| Total | 212/8 (20 Overs, RR: 10.6) |
| Bowling | O | M | R | W | Econ | |
|---|---|---|---|---|---|---|
| Dilshan Madusanka | 4 | 0 | 33 | 3 | 8.25 | |
| Dushmantha Chameera | 4 | 0 | 48 | 1 | 12.00 | |
| Maheesh Theekshana | 4 | 0 | 35 | 0 | 8.75 | |
| Dasun Shanaka | 4 | 0 | 42 | 2 | 10.50 | |
| Dunith Wellalage | 3 | 0 | 37 | 0 | 12.33 | |
| Janith Liyanage | 1 | 0 | 14 | 0 | 14.00 | |
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Mohammad Nawaz b Naseem Shah | 3 | 7 | 0 | 0 | 42.86 |
| Kamil Mishara | b Abrar Ahmed | 26 | 15 | 4 | 1 | 173.33 |
| Charith Asalanka | b Abrar Ahmed | 25 | 18 | 1 | 2 | 138.89 |
| Pavan Rathnayake | c Saim Ayub b Shaheen Shah Afridi | 58 | 37 | 4 | 3 | 156.76 |
| Kamindu Mendis | b Abrar Ahmed | 3 | 5 | 0 | 0 | 60.00 |
| Janith Liyanage | b Mohammad Nawaz | 5 | 3 | 1 | 0 | 166.67 |
| Dasun Shanaka | not out | 76 | 31 | 2 | 8 | 245.16 |
| Dunith Wellalage | not out | 2 | 3 | 0 | 0 | 66.67 |
| Extras | 9 (b 0 , lb 3 , nb 0, w 6, pen 0) |
| Total | 207/6 (19 Overs, RR: 10.89) |
| Bowling | O | M | R | W | Econ | |
|---|---|---|---|---|---|---|
| Shaheen Shah Afridi | 4 | 0 | 48 | 1 | 12.00 | |
| Naseem Shah | 4 | 0 | 25 | 1 | 6.25 | |
| Abrar Ahmed | 4 | 0 | 23 | 3 | 5.75 | |
| Usman Tariq | 4 | 0 | 23 | 0 | 5.75 | |
| Mohammad Nawaz | 2 | 0 | 21 | 1 | 10.50 | |
| Shadab Khan | 2 | 0 | 33 | 0 | 16.50 | |
>> மேலும் கிரிக்கெட் செய்திகளைப் படிக்க <<
