IPL ஏலத்தில் கோடிகளை அள்ளிய மதீஷ பதிரண

அபு தாபியில் நேற்று (16) நடைபெற்ற இந்தியன் பிரீமியர் லீக் (IPL) வீரர்கள் ஏலத்தில் இலங்கை அணியைச் சேர்ந்த 12 வீரர்கள் பங்கேற்றிருந்த நிலையில் மூன்று வீரர்கள் அணிகளால் வாங்கப்பட்டுள்ளனர்.

இலங்கை அணியின் நட்சத்திர சுழல் பந்துவீச்சாளர் வனிந்து ஹஸரங்கவை லக்னோவ் சுப்பர் ஜயண்ட்ஸ் அணி வாங்கியுள்ளது.

>>தேசிய கிரிக்கெட் அணியின் தேர்வாளாராக மீண்டும் பிரமோத்ய விக்ரமசிங்க<<

ILT20 தொடரில் டெசர்ட் வைப்பர்ஸ் அணியின் பணிப்பாளர் மற்றும் லக்னோவ் சுப்பர் ஜயண்ட்ஸ் அணியின் பணிப்பாளரான டொம் மூடியுடன் வனிந்து ஹஸரங்க ஏற்கனவே பணியாற்றியிருந்தார். தற்போது மீண்டும் அவருடன் இணைந்துள்ளார்.

அதேநேரம் IPL வரலாற்றில் அதிகூடிய விலைக்கு வாங்கப்பட்ட இலங்கை வீரர் என்ற பெருமையை மதீஷ பதிரண பெற்றுள்ளார். இவரை கொல்கத்தா நைட் ரைடர்ஷ் அணி 18 கோடிக்கு (இந்திய ரூபாய்) வாங்கியுள்ளது.

மதீஷ பதிரண சென்னை சுப்பர் கிங்ஸ் அணியில் டுவைன் பிராவோவுடன் இணைந்து செயற்பட்டிருந்த நிலையில், தற்போது கொல்கத்தா அணியின் ஆலோசகராக பணியாற்றவுள்ள அவருடன் மீண்டும் இணைந்துள்ளார்.

அத்துடன் இலங்கை அணியின் நட்சத்திர ஆரம்ப துடுப்பாட்ட வீரர் பெதும் நிஸ்ஸங்கவை டெல்லி கெப்பிட்டல்ஸ் அணி வாங்கியுள்ளது. இவரை இந்திய பண மதிப்பில் 4 கோடிக்கு டெல்லி அணி வாங்கியுள்ளது.

குறித்த இந்த மூன்று வீரர்களை தவிர்த்து கமிந்து மெண்டிஸ் (ஹைதராபாத்), எசான் மாலிங்க (ஹைதராபாத்), நுவான் துஷார (பெங்களூர்) மற்றும் துஷ்மந்த சமீர (டெல்லி கெப்பிட்டல்ஸ்) அணிகளால் தக்கவைக்கப்பட்டுள்ளமை குறிப்பிடத்தக்கது

IPL தொடரில் விளையாடவுள்ள இலங்கை வீரர்கள்

>>மேலும் கிரிக்கெட் செய்திகளைப் படிக்க<<