இலங்கை T20I அணியின் தலைவராக மீண்டும் தசுன் ஷானக

பாகிஸ்தான் சுற்றுப்பயணம் சென்றுள்ள இலங்கை T20I அணியின் நிரந்தர தலைவர் சரித் அசலங்க நோய்வாய்ப்பட்டிருப்பதால், இலங்கை, பாகிஸ்தான் மற்றும் ஜிம்பாப்வே இடையே நடைபெறவுள்ள முத்தரப்பு T20 கிரிக்கெட் தொடரில் அணியை வழிநடத்தும் பொறுப்பை முன்னாள் தலைவர் தசுன் ஷானகவிடம் ஒப்படைக்க தேர்வுக் குழு நடவடிக்கை எடுத்துள்ளது.

2019 செப்டம்பர் மாதத்தில், பாகிஸ்தானில் நடைபெற்ற தொடருக்காக இலங்கை T20I அணியின் தலைவராக முதல்முறையாக நியமிக்கப்பட்ட தசுன் ஷானகவின் தலைமையில், இலங்கை அணி T20I தொடரை வென்றது. இது ஆறு ஆண்டுகளுக்குப் பிறகு பாகிஸ்தானுக்கு எதிராக இலங்கை பெற்ற முதல் T20I தொடர் வெற்றியாகவும் வரலாற்றில் இடம்பிடித்தது.

சரித் அசலங்கவுடன் சேர்த்து வேகப் பந்துவீச்சாளர் அசித பெர்னாண்டோவும் நோய்வாய்ப்பட்டிருப்பதாக தெரியவந்துள்ளது. இதன் காரணமாக குறித்த இரண்டு வீரர்களும் முத்தரப்பு T20 தொடரில் பங்கேற்க மாட்டார்கள் என்று அறிக்கையிடப்பட்டுள்ளது. அவர்களின் நோய் குணமடைவதற்கும் போதுமான ஓய்வு பெறுவதற்கும் தேவையான நேரத்தை வழங்குவதற்காக இந்த முடிவு எடுக்கப்பட்டதாக இலங்கை கிரிக்கெட் சபை வெளியிட்டுள்ள ஊடக அறிக்கையில் தெரிவிக்கப்பட்டுள்ளது.

• ஒருநாள் தொடரில் இலங்கையை வைட்வொஷ் செய்த பாகிஸ்தான்
• ஒருநாள் தொடரினை கைப்பற்றிய பாகிஸ்தான்
• பாகிஸ்தான் சுற்றுப்பயண அச்சம்; இலங்கை கிரிக்கெட் சபையின் அதிரடி அறிவிப்பு

முன்னதாக இந்த இரண்டு வீரர்களும் பாகிஸ்தான் அணிக்கு எதிராக நேற்றுமுன்தினம் (16) நடைபெற்ற 3ஆவது ஒருநாள் போட்டியிலும் விளையாடவில்லை.

இதற்கிடையில், பாகிஸ்தானுக்கு எதிரான மூன்றாவது ஒருநாள் போட்டியில் இலங்கைக்காக அறிமுகமான பவன் ரத்நாயக்காவை T20I அணியில் இணைத்துக்கொள்ள தேர்வுக் குழு நடவடிக்கை எடுத்துள்ளது. இரண்டாவது ஒருநாள் போட்டியில் 37 பந்துகளை எதிர்கொண்ட பவன், 6 சிக்ஸர்கள் மற்றும் 2 பௌண்டரிகள் அடித்து 32 ஓட்டங்களைக் குவித்தார்.

இதுவரை 32 உள்ளுர் T20 போட்டிகளில் விளையாடியுள்ள பவன், அதில் 245 ஓட்டங்களைக் குவித்துள்ளார். இது 12.25 சராசரி மற்றும் 101.23 ஸ்ட்ரைக் ரேட்டுடன். அவரது அதிகபட்ச டி20 ஓட்டங்கள் 42 ரன்கள்.

முத்தரப்பு T20 தொடரில் இலங்கை பங்கேற்கும் போட்டிகளின் அட்டவணை:

 

நவம்பர் 20 – ஜிம்பாப்வேக்கு எதிராக ராவல்பிண்டியில்

 

நவம்பர் 22 – பாகிஸ்தானுக்கு எதிராக ராவல்பிண்டியில்

 

நவம்பர் 25 – ஜிம்பாப்வேக்கு எதிராக ராவல்பிண்டியில்

 

நவம்பர் 27 – பாகிஸ்தானுக்கு எதிராக ராவல்பிண்டியில்

 

நவம்பர் 29 – இறுதிப் போட்டி ராவல்பிண்டியில்

>>மேலும் கிரிக்கெட் செய்திகளைப் படிக்க<<