தென்கொரியாவில் நடைபெற்றுவரும் 2023ம் ஆண்டுக்கான ஆசிய இளையோர் வலைப்பந்தாட்ட சம்பியன்ஷிப் தொடரில் இலங்கை இளையோர் அணி தங்களுடைய முதல் தோல்வியை சந்தித்துள்ளது.
சிங்கபூர் அணிக்கு எதிராக நடைபெற்ற இந்தப் போட்டியில் இலங்கை இளையோர் அணி 29-51 என்ற புள்ளிகள் கணக்கில் தோல்வியை தழுவிக்கொண்டது.
- தென்கொரியாவை அடுத்து புரூனேவை அதிரடியாக வீழ்த்திய இலங்கை
- ஆசிய இளையோர் வலைப்பந்தாட்ட சம்பியன்ஷிப்பில் இலங்கைக்கு அபார வெற்றி
போட்டியின் முதல் காற்பகுதி சற்று விறுவிறுப்பாக இடம்பெற்ற நிலையில் 11-08 புள்ளிகள் என்ற கணக்கில் சிங்கபூர் அணி வெற்றியை பதிவுசெய்தது.
ஆரம்ப காற்பகுதியை 3 புள்ளிகள் வித்தியாசத்தில் சிங்கபூர் இளையோர் அணி கைப்பற்றியிருந்த நிலையில், இரண்டாவது காற்பகுதியை சிங்கபூர் அணி 10-05 என இலகுவாக கைப்பற்றியது.
முதலிரண்டு காற்பகுதிகளையும் இலகுவாக கைப்பற்றிய சிங்கபூர் அணி தொடர்ந்து அபாரமாக செயற்பட்டு மூன்றாவது மற்றும் நான்காவது காற்பகுதிகளை முறையே 15-09 மற்றும் 15-07 என இலகுவாக கைப்பற்றி போட்டியில் 51-29 என்ற புள்ளிகள் கணக்கில் வெற்றிபெற்றது.
ஆசிய இளையோர் வலைப்பந்தாட்ட சம்பியன்ஷிப் தொடரில் இலங்கை அணி 3 போட்டிகளில் விளையாடியுள்ள நிலையில், தென்கொரியா மற்றும் புரூனே அணிகளை வீழ்த்தியுள்ளதுடன், சிங்கபூர் அணிக்கு எதிராக தோல்வியடைந்துள்ளமை குறிப்பிடத்தக்கது.
>>மேலும் பல விளையாட்டு செய்திகளை படிக்க<<
