ஹொங் கொங் சிக்ஸஸ் 2026ஆம் ஆண்டு தொடருக்கான குழாத்தினை இலங்கை கிரிக்கெட் சபை உத்தியோகபூர்வமாக அறிவித்துள்ளது.
சர்வதேச கிரிக்கெட்டில் தனித்துவமாக கடந்த 1992ஆம் ஆண்டு முதல் நடைபெற்றுவரும் ஹொங் சிக்ஸஸ் தொடரானது, அணிக்கு ஆறு பேர் மற்றும் ஆறு ஓவர்கள் கொண்ட தொடராக நடைபெற்று வருகின்றது.
>> ஆறுதல் வெற்றியுடன் T20 தொடரினை நிறைவு செய்த இலங்கை கிரிக்கெட் அணி
இந்த தொடருக்காக நடப்பு சம்பியனான இலங்கை அணியானது, தங்களுடைய 7 பேர்கொண்ட குழாத்தை அறிவித்துள்ளது. இந்த குழாத்தின் தலைவராக சகலதுறை வீரர் சங்கீத் குரே நியமிக்கப்பட்டுள்ளார்.
உள்ளூர் கிரிக்கெட்டில் அனுபவமான இவருடன் சச்சித ஜயதிலக்க, இளம் வீரர்களான மொவின் சுபசிங்க, ரவிந்து பெர்னாண்டோ, விஷேன் ஹலம்பகே, முதித லக்ஷான் மற்றும் சமிந்து விக்ரமசிங்க ஆகியோர் பெயரிடப்பட்டுள்ளனர்.
சர்வதேசத்தின் 12 அணிகள் மோதும் ஹொங் கொங் சிக்ஸஸ் தொடரானது அக்டோபர் 30ஆம் திகதி முதல் நவம்பர் முதலாம் திகதிவரை மூன்று நாட்களுக்கு நடைபெறவுள்ளமை குறிப்பிடத்தக்கது.
இலங்கை குழாம்
சங்கீத் குரே (தலைவர்), சச்சித ஜயதிலக்க, மொவின் சுபசிங்க, ரவிந்து பெர்னாண்டோ, விஷேன் ஹலம்பகே, முதித லக்ஷான், சமிந்து விக்ரமசிங்க
