அணித்தலைவர் குசல் மெண்டிஸ் மற்றும் கமிந்து மெண்டிஸ் ஆகியோரது அதிரடி இணைப்பாட்ட உதவியோடு இலங்கை கிரிக்கெட் அணியானது, பாகிஸ்தான் அணியை மூன்றாவது T20 போட்டியில் 8 விக்கெட்டுக்களால் வீழ்த்தியிருப்பதோடு, மூன்று போட்டிகள் கொண்ட தொடரினையும் ஆறுதல் வெற்றியுடன் நிறைவு செய்துள்ளது.
எனினும் தொடரின் முதல் இரண்டு போட்டிகளிலும் பெற்ற வெற்றிகளுடன் பாகிஸ்தான் தொடரினை 2-1 என கைப்பற்றிக் கொள்கின்றது.
>>மீண்டும் பர்ஹான், மாஸ் சதாகட் அதிரடி; T20 தொடர் பாகிஸ்தான் வசம்<<
ராவல்பிண்டியில் நேற்று (13) ஆரம்பமான இந்தப் போட்டியில் நாணய சுழற்சியில் வென்ற இலங்கை அணி முதலில் பாகிஸ்தானை துடுப்பாடப் பணித்தது.
அதன்படி முதலில் துடுப்பாடிய பாகிஸ்தானை இலங்கை ஓட்டங்கள் பெறுவதில் கட்டுப்படுத்திய போதும், தொடரில் பெற்ற மூன்றாவது தொடர் அரைச்சதத்துடன் பாகிஸ்தான் அணியின் தலைவரான சஹிப்சதா பர்ஹான் 47 பந்துகளில் 3 சிக்ஸர்கள் மற்றும் 7 பௌண்டரிகள் அடங்கலாக 76 ஓட்டங்கள் குவித்துக் கொண்டார். அதேநேரம் இறுதிநேர அதிரடியில் கைகொடுத்த அரபாத் மின்ஹாஸின் ஆட்டத்தோடு பாகிஸ்தான் 20 ஓவர்களில் 8 விக்கெட்டுக்களை இழந்து 168 ஓட்டங்கள் எடுத்துக் கொண்டது.
பாகிஸ்தான் துடுப்பாட்டம் சார்பில் நுவான் துஷார மற்றும் எஷான் மாலிங்க ஆகியோர் தலா 2 விக்கெட்டுக்கள் வீதம் கைப்பற்றியிருந்தனர்.
இலங்கை அணியின் பந்துவீச்சில் தசுன் ஷானக்க 3 விக்கெட்டுக்களையும் எஷான் மாலிங்க மற்றும் நுவான் துஷார ஆகியோர் தலா 2 விக்கெட்டுக்களும், விஜயகாந்த் வியாஸ்காந்த் ஒரு விக்கெட்டினையும் சாய்த்தனர்.
>>குசல் மெண்டிஸ் தலைமையிலான இலங்கை டெஸ்ட் குழாம் வெளியீடு<<
பின்னர் போட்டியின் வெற்றி இலக்காக நிர்ணயம் செய்யப்பட்ட 169 ஓட்டங்களை ஆட பதிலுக்கு துடுப்பாடிய இலங்கை அணி தொடக்கத்தில் சிறிது தடுமாறிய போதும், இரண்டாம் மற்றும் மூன்றாம் விக்கெட்டுக்களுக்காக அணித்தலைவர் குசல் மெண்டிஸ் அதிரடியாக பெற்ற இணைப்பாட்டங்கள் மூலமாக போட்டியின் வெற்றி இலக்கினை 17.2 ஓவர்களில் 2 விக்கெட்டுக்களை மாத்திரம் இழந்து அடைந்து கொண்டது.
இலங்கைத் துடுப்பாட்டத்தில் குசல் மெண்டிஸ் இறுதிவரை ஆட்டமிழக்காது 47 பந்துகளில் 4 சிக்ஸர்கள் மற்றும் 9 பௌண்டரிகள் அடங்கலாக 87 ஓட்டங்கள் பெற்றார். கமிந்து மெண்டிஸ் 27 பந்துகளில் 40 ஓட்டங்கள் எடுத்தார்.
இரு வீரர்களும் இலங்கை அணியின் வெற்றிக்கு இரண்டாம் விக்கெட் இணைப்பாட்டமாக 98 ஓட்டங்களும் பெற்றனர். இவர்களுக்கு மேலதிகமாக இலங்கை அணியின் வெற்றியினை உறுதி செய்த சினேத் ஜயவர்தன 26 பந்துகளில் 38 ஓட்டங்கள் எடுத்திருந்தார். போட்டியின் ஆட்டநாயகனாக குசல் மெண்டிஸ் தெரிவாக தொடர் நாயகன் விருதினை சஹிப்சதா பர்ஹான் பெற்றுக் கொண்டார்.
இலங்கை அணி தமது பாகிஸ்தான் சுற்றுப்பயணத்தில் அடுத்ததாக பாகிஸ்தான் மற்றும் இங்கிலாந்து அணிகள் பங்கெடுக்கும் முத்தரப்பு ஒருநாள் தொடரில் ஆடுகின்றது. இந்த தொடர் ஞாயிற்றுக்கிழமை (18) இலங்கை – பாகிஸ்தான் அணிகள் இடையிலான போட்டியுடன் ஆரம்பமாகுகின்றது.
Result
| Batsmen | R | B | 4s | 6s | SR | |
|---|---|---|---|---|---|---|
| Sahibzada Farhan | c Dasun Shanaka b Nuwan Thushara | 76 | 47 | 7 | 3 | 161.70 |
| Fakhar Zaman | c Lahiru Udara b Eshan Malinga | 12 | 7 | 1 | 1 | 171.43 |
| Maaz Sadaqat | c Chamindu Wickramasinghe b Eshan Malinga | 0 | 3 | 0 | 0 | 0.00 |
| Hasan Nawaz | c Kusal Mendis b Vijayakanth Viyaskanth | 16 | 17 | 2 | 0 | 94.12 |
| Khawaja Nafay | c Sahan Arachchige b Dasun Shanaka | 3 | 5 | 0 | 0 | 60.00 |
| Mohammad Imran | c Chamindu Wickramasinghe b Dasun Shanaka | 6 | 10 | 0 | 0 | 60.00 |
| Abdul Samad | c Lahiru Udara b Dasun Shanaka | 15 | 10 | 2 | 1 | 150.00 |
| Arafat Minhas | not out | 34 | 20 | 2 | 2 | 170.00 |
| Razaullah | b Nuwan Thushara | 0 | 1 | 0 | 0 | 0.00 |
| Extras | 6 (b 1 , lb 2 , nb 0, w 3, pen 0) |
| Total | 168/8 (20 Overs, RR: 8.4) |
| Bowling | O | M | R | W | Econ | |
|---|---|---|---|---|---|---|
| Binura Fernando | 4 | 0 | 45 | 0 | 11.25 | |
| Nuwan Thushara | 4 | 0 | 38 | 2 | 9.50 | |
| Eshan Malinga | 4 | 1 | 38 | 2 | 9.50 | |
| Vijayakanth Viyaskanth | 4 | 0 | 23 | 1 | 5.75 | |
| Dasun Shanaka | 4 | 0 | 21 | 3 | 5.25 | |
| Batsmen | R | B | 4s | 6s | SR | |
|---|---|---|---|---|---|---|
| Lahiru Udara | lbw b Mohammad Imran | 1 | 2 | 0 | 0 | 50.00 |
| Sineth Jayawardena | c Razaullah b Arafat Minhas | 38 | 26 | 5 | 2 | 146.15 |
| Kusal Mendis | not out | 87 | 48 | 9 | 4 | 181.25 |
| Kamindu Mendis | not out | 40 | 27 | 4 | 0 | 148.15 |
| Extras | 6 (b 1 , lb 2 , nb 0, w 3, pen 0) |
| Total | 172/2 (17.1 Overs, RR: 10.02) |
| Bowling | O | M | R | W | Econ | |
|---|---|---|---|---|---|---|
| Salman Mirza | 3 | 0 | 40 | 0 | 13.33 | |
| Mohammad Imran | 4 | 0 | 31 | 1 | 7.75 | |
| Razaullah | 3.1 | 0 | 37 | 0 | 11.94 | |
| Sufyan Moqim | 4 | 0 | 35 | 0 | 8.75 | |
| Arafat Minhas | 3 | 0 | 26 | 1 | 8.67 | |
