பாகிஸ்தான் கிரிக்கெட் அணிக்கு எதிராக நடைபெறவுள்ள இரண்டு போட்டிகள் கொண்ட டெஸ்ட் தொடருக்கான 15 பேர் கொண்ட இலங்கை குழாம் வெளியிடப்பட்டிருக்கின்றது.
>>மீண்டும் பர்ஹான், மாஸ் சதாகட் அதிரடி; T20 தொடர் பாகிஸ்தான் வசம்<<
பாகிஸ்தான் சென்றுள்ள இலங்கை கிரிக்கெட் அணி அங்கே இடம்பெறும் T20 மற்றும் ஒருநாள் தொடர்களை அடுத்து ஐ.சி.சி. உலக டெஸ்ட் சம்பியன்ஷிப்பின் ஒரு அங்கமாக அமையும் இரு போட்டிகள் கொண்ட டெஸ்ட் தொடரில் விளையாடவிருக்கின்றது.
நவம்பர் 09ஆம் திகதி ராவல்பிண்டியில் ஆரம்பமாகும் இந்த டெஸ்ட் தொடருக்கான இலங்கை குழாம் உத்தியோகபூர்வமாக இலங்கை கிரிக்கெட் சபை (SLC) மூலம் அறிவிக்கப்பட்டிருக்கின்றது.
அறிவிக்கப்பட்டுள்ள டெஸ்ட் குழாத்தில் இந்திய மற்றும் மேற்கிந்திய தீவுகள் டெஸ்ட் தொடரின் போட்டிகளைத் தவறவிட்டிருந்த பெதும் நிஸ்ஸங்க இணைக்கப்பட்டிருக்கின்றார். ஆனால் பெதுமின் உடல்நிலை குறித்து உறுதி செய்யப்பட்ட பின்னரே அவர் பாகிஸ்தான் பயணமாகுவார் எனக் குறிப்பிடப்பட்டிருக்கின்றது.
அதேவேளை ஆரம்பத் துடுப்பாட்டவீரராக இணைக்கப்பட்டிருந்த லஹிரு உதார இலங்கை டெஸ்ட் குழாத்தில் இருந்து நீக்கப்பட்டிருக்கின்றார். மறுமுனையில் இதுவரை டெஸ்ட் போட்டிகள் எதிலும் ஆடாத வேகப்பந்துவீச்சாளர் எஷான் மாலிங்கவிற்கும் இந்த குழாத்தில் வாய்ப்பு வழங்கப்பட்டிருக்கின்றது.
அத்துடன் தனஞ்சய டி சில்வா பதவி விலகியதனை அடுத்து இலங்கை டெஸ்ட் அணியின் புதிய தலைவராக குசல் மெண்டிஸ் நியமிக்கப்பட்ட நிலையில் அவர் தலைவராக செயற்படும் முதல் தொடர் இதுவாகும்.
இலங்கை டெஸ்ட் குழாம்
பெதும் நிஸ்ஸங்க, பசிந்து சூரியபண்டார தினேஷ் சந்திமால், கமிந்து மெண்டிஸ், சொனால் தினுஷ, குசல் மெண்டிஸ் (அணித்தலைவர்), தனஞ்சய டி சில்வா, அஞ்சல பண்டார, கேஷர நுவன்த, பிரபாத் ஜயசூரிய, மிலான் ரத்நாயக்க, லஹிரு குமார, அசித பெர்னாண்டோ, டில்ஷான் மதுஷங்க, எஷான் மலிங்க
