தென்னாபிரிக்காவில் அடுத்த ஆண்டு நடைபெறவுள்ள ஐசிசி ஒருநாள் உலகக்கிண்ண தொடரில் இலங்கை அணி குழு B இல் இடம்பிடித்துள்ளது.
ஐசிசி ஒருநாள் உலகக்கிண்ணத் தொடர் அடுத்த ஆண்டு நடைபெறவுள்ள நிலையில், அதற்கான குழுநிலை மற்றும் போட்டி அட்டவணை நேற்று (01) வெளியிடப்பட்டது.
>>இலங்கையை 45 ஓட்டங்களுக்குள் சுருட்டி இறுதிப்போட்டியில் இந்தியா<<
இதில் இலங்கை அணி குழு B இல் இடம்பிடித்துள்ளதுடன், தென்னாபிரிக்கா, இங்கிலாந்து, நியூசிலாந்து மற்றும் பங்களாதேஷ் போன்ற அணிகளும் குழு B இல் இடம்பிடித்துள்ளன. இந்த அணிகளுடன் உலகக்கிண்ணத்தின் முதல் சுற்றாக கருதப்படும் சுப்பர் சீரிஸில் வெற்றிபெற்று தகுதிபெறும் ஒரு அணியொன்றும் இந்த குழுவில் இடம்பிடிக்கும்.
குழுநிலை போட்டிகளை பொருத்தவரை ஒவ்வொரு அணிகளும், குழுவில் உள்ள ஏனைய அணிகளுடன் தலா ஒவ்வொரு போட்டியில் விளையாட வேண்டும். இவ்வாறு மோதி இரண்டு குழுக்களிலும் முதல் மூன்று இடங்களை பிடிக்கும் அணிகள் நேரடியாக சுப்பர் 7 சுற்றுக்கு தகுதிபெறும். இதனை தவிர்த்து இரண்டு குழுக்களின் புள்ளிப்பட்டியலிலும் சிறந்த முன்னிலையுடன் இருக்கும் நான்காவது அணியும் சுப்பர் 7 சுற்றுக்கு தகுதிபெறும்.
| குழு A | குழு B |
| இந்தியா | தென்னாபிரிக்கா |
| அவுஸ்திரேலியா | நியூசிலாந்து |
| பாகிஸ்தான் | இங்கிலாந்து |
| சிம்பாப்வே | இலங்கை |
| ஆப்கானிஸ்தான் | பங்களாதேஷ் |
| TBC | TBC |
சுப்பர் 7 சுற்றிலும் ஒவ்வொரு அணிகளும் எதிரணிகளுடன் ஒருமுறை போட்டியிட வேண்டும் என்பதுடன், முதல் நான்கு இடங்களை பிடிக்கும் அணிகள் அரையிறுதிக்கு தகுதிபெறும். அரையிறுதியில் முதலிடத்தை பிடிக்கும் அணி, நான்காவது இடத்தை பிடிக்கும் அணியுடனும், இரண்டாவது இடத்தை பிடிக்கும் அணி மூன்றாவது இடத்தை பிடிக்கும் அணியுடன் மோதும் வகையில் போட்டி அட்டவணை அமைக்கப்பட்டுள்ளது.
>>ILT20 2026 தொடர் வீரர்கள் ஏலத்தில் இலங்கையின் முன்னணி வீரர்கள்<<
சுப்பர் சீரிஸுடன் அடுத்த ஆண்டு அக்டோபர் 2ஆம் திகதி உலகக்கிண்ணம் ஆரம்பிக்கவுள்ள நிலையில், குழுநிலை போட்டிகள் அக்டோபர் 7ஆம் திகதி ஆரம்பமாகின்றன. முதல் போட்டி இந்தியா மற்றும் அவுஸ்திரேலிய அணிகளுக்கு இடையில் கேப் டவுனில் ஆரம்பமாகவுள்ளது.
அதேநேரம் இலங்கை அணியானது தங்களுடைய முதல் போட்டியில் சுப்பர் சீரிஸிலிருந்து தகுதிபெறும் அணியுடன் அக்டோபர் 10ஆம் திகதி மோதவுள்ளமை குறிப்பிடத்தக்கது.
இலங்கை அணியின் போட்டி அட்டவணை
- எதிர் தகுதிபெறும் அணி – அக்டோபர் 10 (விண்ட்ஹோக்)
- எதிர் இங்கிலாந்து – அக்டோபர் 13 (விண்ட்ஹோக்)
- எதிர் பங்களாதேஷ் – அக்டோபர் 16 (டர்பன்)
- எதிர் நியூசிலாந்து – அக்டோபர் 20 (ஜொஹனர்ஸ்பேர்க்)
- எதிர் தென்னாபிரிக்கா – அக்டோபர் 22 (ஜொஹனர்ஸ்பேர்க்)
>>மேலும் கிரிக்கெட் செய்திகளைப் படிக்க<<
