லங்கா பிரீமியர் லீக் (LPL) தொடருக்கான வீரர்கள் வரைவு எதிர்வரும் திங்கட்கிழமை (01) கொழும்பில் நடைபெறவுள்ளதாக இலங்கை கிரிக்கெட் சபை உத்தியோகபூர்வமாக அறிவித்துள்ளது.
LPL தொடருக்கான வீரர்கள் வரைவில் 242 வெளிநாட்டு வீரர்கள் மற்றும் 179 இலங்கை வீரர்கள் உட்பட 421 வீரர்கள் இடம்பெறவுள்ளதாக தெரிவிக்கப்பட்டுள்ளது.
>>மே.இ. தீவுகள் தொடருக்கான இலங்கை கிரிக்கெட் குழாம்கள் வெளியீடு
வீரர்கள் வரைவானது பிளாட்டினம், கோல்ட், கிளாசிக், இமர்ஜிங் மற்றும் அசோஷியேட் ஸ்டார்ஸ் என்ற ஐந்து பிரிவுகளின் கீழ் நடைபெறவுள்ளது.
பிளாட்டினம் பிரிவில் 17 உள்நாட்டு வீரர்கள் மற்றும் 31 வெளிநாட்டு வீரர்கள் இடம்பெறுகின்றனர். அதேநேரம் கோல்ட் பிரிவில் 34 உள்நாட்டு வீரர்கள், 64 வெளிநாட்டு வீரர்கள், கிளாசிக் பிரிவில் 80 உள்நாட்டு மற்றும் 99 வெளிநாட்டு வீரர்கள் இடம்பெறுகின்றனர்.
அதுமாத்திரமின்றி இமேர்ஜிங் பிரிவில் 48 உள்நாட்டு வீரர்கள், அசோஷியட் ஸ்டார்ஸ் பிரிவில் 48 வெளிநாட்டு வீரர்கள் இடங்களை பிடித்துள்ளனர்.
வீரர்கள் வரைவு திங்கட்கிழமை மதியம் 01.30 இற்கு ஆரம்பமாகவுள்ளதுடன், ஐந்து அணிகளின் உரிமையாளர்களும் கலந்துக்கொள்ளவுள்ளனர்.
வீரர்கள் வரைவுக்கு முன்னதாக அணிகளுக்கு நேரடியாக வீரர்களை ஒப்பந்தம் செய்யக்கூடிய வாய்ப்பு வழங்கப்பட்டிருந்தது.
நேரடியாக ஒப்பந்தம் செய்யப்பட்ட வீரர்கள்
கண்டி ரோயல்ஸ் – விஜய் சங்கர், வனிந்து ஹஸரங்க, அஞ்செலோ மெதிவ்ஸ், மொயீன் அலி
தம்புள்ள சிக்ஸர்ஸ் – சஹீப்ஷாடா பர்ஹான், ரீஷா ஹென்ரிக்ஸ், தினேஷ் சந்திமால், துஷ்மந்த சமீர
கொழும்பு கெப்ஸ் – ஜிம்மி நீஸம், பென் மெக்டர்மோர்ட், குசல் மெண்டிஸ், கமிந்து மெண்டிஸ்
ஜப்னா கிங்ஸ் – சகீப் அல் ஹஸன், டஸ்கின் அஹமட், பானுக ராஜபக்ஷ, துனித் வெல்லாலகே
கோல் கெல்லண்ட்ஸ் – தசுன் ஷானக, எசான் மாலிங்க, ரஸ்ஸி வென் டெர் டஸன், சிக்கண்டர் ரஷா
ஐந்து அணிகள் பங்கேற்கும் LPL தொடர் ஜூலை 17ஆம் திகதி முதல் ஆகஸ்ட் 8ஆம் திகதிவரை கொழும்பு எஸ்.எஸ்.சி, கொழும்பு ஆர்.பிரேமதாஸ, பல்லேகலை மற்றும் தம்புள்ள ஆகிய மைதானங்களில் நடைபெறவுள்ளமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
 தொடருக்கான வீரர்கள் வரைவு எதிர்வரும் திங்கட்கிழமை (01) கொழும்பில் நடைபெறவுள்ளதாக இலங்கை கிரிக்கெட் சபை உத்தியோகபூர்வமாக அறிவித்துள்ளது.){kind=link}