ஆப்கானிஸ்தான் அணிக்கு எதிராக நடைபெறவுள்ள ஒரு டெஸ்ட் போட்டிக்கொண்ட தொடருக்கான இந்திய குழாத்திலிருந்து ஜஸ்ப்ரிட் பும்ரா மற்றும் ரவீந்திர ஜடேஜா ஆகியோர் விடுவிக்கப்பட்டுள்ளனர்.
இவர்களுடன் முன்னணி வீரர்களான அக்ஷர் பட்டேல் மற்றும் ஆகாஸ் தீப் ஆகியோரும் நீக்கப்பட்டுள்ளதுடன், மானவ் சுதர், குர்னூர் பிரார் மற்றும் ஹர்ஷ் துபே ஆகியோர் முதன்முறையாக டெஸ்ட் குழாத்தில் இடம்பெற்றுள்ளனர்.
LPL தொடர் 2026; முழுமையான போட்டி அட்டவணை வெளியீடு
அதேநேரம் இந்திய டெஸ்ட் அணியின் உப தலைவராக ரிஷப் பண்ட் செயற்பட்டுவந்த நிலையில், அவருக்கு பதிலாக கே.எல். ராஹுல் உப தலைவராக நியமிக்கப்பட்டுள்ளார்.
அதுமாத்திரமின்றி ஆப்கானிஸ்தான் அணிக்கு எதிராக நடைபெறவுள்ள ஒருநாள் தொடருக்கான குழாத்தையும் இந்திய கிரிக்கெட் சபை அறிவித்துள்ளது.
சுப்மான் கில் தலைமையில் அறிவிக்கப்பட்டுள்ள இந்த குழாத்தில் சிரேயாஸ் ஐயர் உப தலைவராக நியமிக்கப்பட்டுள்ளார். மேலும், விராட் கோஹ்லி மற்றும் ரோஹித் சர்மா ஆகியோர் அணியில் இடம்பெற்றுள்ளதுடன் பிரின்ஸ் யாதவ், குர்னூர் பிரார் மற்றும் ஹர்ஷ் துபே ஆகியோர் முதன்முறையாக ஒருநாள் குழாத்தில் இடம்பெற்றுள்ளனர்.
ஹர்திக் பாண்டியா மும்பை இந்தியன்ஸ் அணிக்காக கடந்த போட்டிகளில் விளையாடாத நிலையிலும் ஒருநாள் குழாத்தில் இடம்பிடித்துள்ளதுடன், இஷான் கிஷனும் வாய்ப்பை பெற்றுள்ளார்.
இந்தியா மற்றும் ஆப்கானிஸ்தான் அணிகளுக்கு இடையிலான டெஸ்ட் போட்டி ஜூன் 6ஆம் திகதி ஆரம்பமாகவுள்ளதுடன், ஒருநாள் போட்டிகள் ஜூன் 14, 17 மற்றும் 20ஆம் திகதிகளில் நடைபெறவுள்ளமை குறிப்பிடத்தக்கது.
இந்தியா ஒருநாள் குழாம்
சுப்மன் கில் (தலைவர்), ரோஹித் சர்மா, விராட் கோஹ்லி, சிரேயாஸ் ஐயர், கேஎல் ராஹுல், இஷான் கிஷன், ஹர்திக் பாண்டியா, நிதிஷ் குமார் ரெட்டி, வொஷிங்டன் சுந்தர், குல்தீப் யாதவ், அர்ஷ்தீப் சிங், பிரசித் கிருஷ்ணா, பிரின்ஸ் யாதவ், குர்னூர் பிரார், ஹர்ஷ் துபே
இந்தியா டெஸ்ட் குழாம்
சுப்மன் கில் (தலைவர்), யஷஸ்வி ஜெய்ஸ்வால், கே.எல். ராஹுல், சாய் சுதர்சன், ரிஷப் பண்ட், தேவ்தத் படிக்கல், நிதிஷ் குமார் ரெட்டி, வொஷிங்டன் சுந்தர், குல்தீப் யாதவ், மொஹமட் சிராஜ், பிரசித் கிருஷ்ணா, மானவ் சுதர், குர்னூர் பிரார், துருவ் ஜுரேல், ஹர்ஷ் துபே,
>>மேலும் கிரிக்கெட் செய்திகளைப் படிக்க<<
