இலங்கை வரும் இந்திய A கிரிக்கெட் குழாம் வெளியீடு

இலங்கையில் அடுத்த மாதம் நடைபெறவுள்ள A கிரிக்கெட் அணிகளின் முக்கோண ஒருநாள் தொடருக்கான இந்திய A குழாம் வெளியிடப்பட்டுள்ளது.

>>மற்றுமொரு உபாதைச் சிக்கலை சந்திக்கும் சென்னை சுப்பர் கிங்ஸ் அணி<<

அதன்படி இலங்கை, ஆப்கான் மற்றும் இந்தியா ஆகியவற்றின் A கிரிக்கெட் அணிகள் பங்கெடுக்கும் இந்த முக்கோண ஒருநாள் தொடர் தம்புள்ளை ரங்கிரி சர்வதேச மைதானத்தில் நடைபெறவிருக்கின்றமை குறிப்பிடத்தக்கது.

இந்த முக்கோண தொடரில் பங்கெடுக்கும் இந்திய A அணியினை திலக் வர்மா வழிநடாத்த, ரியான் பராக் பிரதி தலைவராக நியமனம் செய்யப்பட்டுள்ளார்.

அதேவேளை முக்கோண ஒருநாள் தொடரின் பின்னர் இந்திய A அணி, இலங்கை வீரர்களுடன் 2 போட்டிகள் கொண்ட முதல்தரத் தொடரிலும் பங்கெடுக்கின்றமை சுட்டிக்காட்டத்தக்கது. முதல்தரத் தொடரின் போட்டிகள் காலியில் நடைபெறவிருக்கின்றன.

திலக் வர்மா (தலைவர்), பிரியான்ஷ் ஆர்யா, வைபவ் சூர்யவன்ஷி, ரியான் பராக் (பிரதி தலைவர்), ஆயுஷ் பதோனி, நிஷாந் சிந்து, ஹர்ஷ் துபே, சூர்யான்ஷ் ஷெட்ஜ், பிரப்சிம்ரன் சிங், குமார் குஷாக்ரா, விப்ராஜ் நிகாம், யாஷ் தாக்கூர், யுத்வீர் சிங், அன்ஷூல் கம்போஜ், அர்ஷாட் கான்

முக்கோண ஒருநாள் தொடர் அட்டவணை

>>மேலும் கிரிக்கெட் செய்திகளைப் படிக்க<<