இலங்கை கிரிக்கெட் அணியானது ஜூன் மாதம் மேற்கிந்திய தீவுகளுக்கு சுற்றுப்பயணம் மேற்கொண்டு அங்கே மூவகைப் போட்டிகள் கொண்ட கிரிக்கெட் தொடர்களிலும் ஆடவிருப்பதாக தெரிவிக்கப்பட்டுள்ளது.
>>தேசிய சுப்பர் லீக் தொடரிலிருந்து யாழ்ப்பாணம் அணி நீக்கம்<<
மேற்கிந்திய தீவுகள் கிரிக்கெட் வாரியம் (CWI) வெளியிட்டுள்ள உத்தியோகபூர்வ அறிவிப்பின் அடிப்படையில், இலங்கை கிரிக்கெட் அணியானது ஜூன் மற்றும் ஜூலை மாதங்களில் மேற்கிந்திய தீவுகளில் மூன்று ஒருநாள் மற்றும் T20I போட்டிகள் கொண்ட தொடர் மற்றும் இரண்டு போட்டிகள் கொண்ட டெஸ்ட் தொடர் என்பவற்றில் ஆடவிருக்கின்றது.
இந்தச் சுற்றுப்பயணத்தில் ஒருநாள் மற்றும் T20I தொடர்களின் போட்டிகள் ஜமெய்க்காவில் நடைபெறவுள்ளன. அதேவேளை, டெஸ்ட் தொடர் முழுமையாக என்டிகுவாவிலுள்ள சேர் விவியன் ரிச்சர்ட்ஸ் மைதானத்தில் இடம்பெறவிருக்கின்றது.
அதேநேரம் டெஸ்ட் தொடருக்கு முன்னதாக இலங்கை கிரிக்கெட் அணி பங்கெடுக்கும் பயிற்சிப் போட்டியொன்றும் என்டிகுவாவில் உள்ள கூலிட்ஜ் மைதானத்தில் திட்டமிடப்பட்டுள்ளது.
மேற்கிந்திய தீவுகள் தொடர் அட்டவணை
ஒருநாள் தொடர் (ODI):
- ஜூன்3 – முதலாவது ஒருநாள் போட்டி
- ஜூன்6 – இரண்டாவது ஒருநாள் போட்டி
- ஜூன்8 – மூன்றாவது ஒருநாள் போட்டி
T20 தொடர்:
- ஜூன்11 – முதலாவது T20 போட்டி
- ஜூன்13 – இரண்டாவது T20 போட்டி
- ஜூன்14 – மூன்றாவது T20 போட்டி
பயிற்சிப் போட்டி:
- ஜூன்18 – 21 (கூலிட்ஜ் மைதானம்)
டெஸ்ட் தொடர்:
- ஜூன்25 – 29 (முதலாவது டெஸ்ட்)
- ஜூலை3 – 7 (இரண்டாவது டெஸ்ட்)
>>மேலும் கிரிக்கெட் செய்திகளைப் படிக்க<<
