இலங்கை தேசிய மகளிர் கிரிக்கெட் அணியின் புதிய தலைமைப் பயிற்சியாளராக, அவுஸ்திரேலிய அணியின் முன்னாள் வீரர் ஜேமி சிடன்ஸ் (Jamie Siddons) நியமிக்கப்பட்டுள்ளதாக இலங்கை கிரிக்கெட் நிறுவனம் அறிவித்துள்ளது.
இதன்படி, எதிர்வரும் ஓராண்டுக்கு இவர் இலங்கை மகளிர் கிரிக்கெட் அணியின் பயிற்சியாளராக பணியாற்றுவார் என தெரிவிக்கப்பட்டுள்ளது.
சர்வதேச அளவில் சிறந்த பயிற்சி அனுபவம் கொண்ட ஜேமி சிடன்ஸ், 2007 முதல் 2011 ஆம் ஆண்டு வரை பங்களாதேஷ் தேசிய ஆடவர் அணியின் தலைமைப் பயிற்சியாளராகப் பணியாற்றியுள்ளார்.
மூன்றாம் நிலை (Level 3) தகுதியுள்ள பயிற்சியாளரான இவர், 2015 முதல் 2020 வரை தெற்கு அவுஸ்திரேலிய (Redbacks) அணிக்கும், 2011 முதல் 2015 வரை நியூசிலாந்தின் வெலிங்டன் ஃபயர்பேர்ட்ஸ் (Wellington Firebirds) அணிக்கும் தலைமைப் பயிற்சியாளராகச் செயற்பட்டுள்ளார்.
- ஹேலி மெதிவ்ஸின் அசத்தல் சதத்துடன் மேற்கிந்திய தீவுகள் ஆறுதல் வெற்றி
- மேற்கிந்திய தீவுகள் ஒருநாள் தொடரினை வென்ற இலங்கை மகளிர் அணி
- 2026 மகளிர் T20 உலகக் கிண்ணம்; போட்டி அட்டவணை மற்றும் அணிகள் விபரம் வெளியீடு
அவுஸ்திரேலியாவில் நீண்ட கால முதல் தர கிரிக்கெட் அனுபவம் கொண்ட இவர், தெற்கு அவுஸ்திரேலியா மற்றும் விக்டோரியா ஆகிய இரு அணிகளுக்கும் தலைவராக கடமையாற்றியுள்ளார். இவரது ஓராண்டு காலப் பதவிப்பாலம் 2026 மார்ச் 16 ஆம் திகதி முதல் நடைமுறைக்கு வரும்.
இதனிடையே, எதிர்வரும் ஜூன் மாதம் இங்கிலாந்தில் நடைபெறவுள்ள 2026 ஐசிசி மகளிர் டி20 உலகக் கிண்ணத் தொடருக்கு இலங்கை அணியைத் தயார்படுத்தும் பிரதான பொறுப்பு இவரிடம் ஒப்படைக்கப்பட்டுள்ளது. அதுமாத்திரமின்றி, 2026 ஏப்ரல் – மே காலப்பகுதியில் நடைபெறவுள்ள இலங்கை மகளிர் அணியின் பங்களாதேஷ் சுற்றுப்பயணமே, புதிய பயிற்சியாளரான ஜேமி சிடன்ஸின் முதல் பணியாக அமையவுள்ளமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
 நியமிக்கப்பட்டுள்ளதாக இலங்கை கிரிக்கெட் நிறுவனம் அறிவித்துள்ளது. ){kind=link}