இலங்கை மற்றும் இங்கிலாந்து அணிகள் இடையிலான ஒருநாள் தொடரின் முதல் போட்டியில், இலங்கை 19 ஓட்டங்களால் வெற்றியினைப் பதிவு செய்திருப்பதோடு, தொடரிலும் 1-0 என முன்னிலை அடைந்துள்ளது.
>>பங்களாதேஷ் கிரிக்கெட் சபையின் முடிவுக்கு பாகிஸ்தான் ஆதரவு<<
இலங்கைக்கு சுற்றுப்பயணம் மேற்கொண்டுள்ள இங்கிலாந்து வீரர்கள் ஒருநாள் மற்றும் T20 தொடர்களில் விளையாடுகின்றனர். இதில் இரண்டு அணிகளும் பங்கெடுக்கும் ஒருநாள் தொடர் முதலாவதாக நடைபெறும் நிலையில், முதல் ஒருநாள் போட்டி முன்னதாக கொழும்பு ஆர். பிரேமதாச மைதானத்தில் ஆரம்பமாகியது.
போட்டியின் நாணய சுழற்சியில் வென்ற இலங்கை அணியின் தலைவர் சரித் அசலன்க முதலில் துடுப்பாடும் சந்தர்ப்பத்தினை இலங்கை வீரர்களுக்காகப் பெற்றிருந்தார். இப்போட்டிக்கான இலங்கை குழாம் நீண்ட இடைவெளியின் பின்னர் தனன்ஞய டி சில்வாவினை ஒருநாள் அணியில் இணைத்திருந்தது.
இலங்கை XI
பெதும் நிஸங்க, கமில் மிஷார, குசல் மெண்டிஸ், தனஞ்சய டி சில்வா, சரித் அசலங்க, ஜனித் லியனகே, பவன் ரத்நாயக்க, துனித் வெல்லாலகே, பிரமோத் மதுஷான், ஜெப்ரி வான்டர்சே, அசித பெர்னாண்டோ
பின்னர் நாணய சுழற்சிக்கு அமைய போட்டியின் துடுப்பாட்டத்தினை ஆரம்பித்த இலங்கை அணிக்கு ஆரம்ப வீரர்களாக வந்த பெதும் நிஸங்க மற்றும் கமில் மிஷார ஆகியோர் நிதானமாக விளையாடி முதல் விக்கெட்டுக்கு 50 ஓட்டங்களைச் சேர்த்தனர். தொடர்ந்து பெதும் நிஸ்ஸங்க 21 ஓட்டங்களிலும், மிஷார 27 ஓட்டங்களிலும் ஆட்டமிழந்தனர். இதனைத் தொடர்ந்து களம் வந்த குசல் மெண்டிஸ், ஒரு முனையில் விக்கெட்டுக்கள் வீழ்ந்தாலும் போராடி அணியின் ஓட்டங்களை உயர்த்தினார். அவர் ஜனித் லியனகே மற்றும் துனித் வெல்லாலகே உடன் பெற்றுக் கொண்ட இணைப்பாட்டங்கள் காரணமாக இலங்கை அணியானது 50 ஓவர்களில் 6 விக்கெட்டுக்களை இழந்து 271 ஓட்டங்கள் பெற்றுள்ளது.
>>இலங்கை கிரிக்கெட்டுடன் கைகோர்க்கும் IFS நிறுவனம்<<
இலங்கை துடுப்பாட்டத்தில் குசல் மெண்டிஸ் 117 பந்துகளில் 11 பெளண்டரிகளுடன் ஆட்டமிழக்காமல் 93 ஓட்டங்கள் குவித்திருக்க, ஜனித் லியனகே 53 பந்துகளில் 2 சிக்ஸர்கள் மற்றும் 5 பௌண்டரிகள் அடங்கலாக 46 ஓட்டங்கள் பெற்றார். அதேநேரம் இறுதி ஓவர்களில் துனித் வெல்லாலகே அதிரடியாக விளையாடி 12 பந்துகளில் 25 பெற்றார். அதில் 3 பௌண்டரிகளும் ஒரு சிக்ஸரும் அடங்கும்.
இங்கிலாந்து அணியின் பந்துவீச்சைப் பொறுத்தவரை, ஆதில் ரஷீட் சிறப்பாகச் செயற்பட்டு 3 விக்கெட்டுகளைக் கைப்பற்றியிருந்தார்.
பின்னர் 272 ஓட்டங்கள் எடுத்தால் வெற்றி என்ற இலக்குடன் இங்கிலாந்து அணி தனது துடுப்பாட்ட இன்னிங்ஸை தொடங்கியது. அவ்வணியின் ஆரம்ப வீரர்களில் ஒருவராக வந்த ஷேக் கிராவ்லி அசித பெர்னாண்டோவின் பந்துவீச்சில் 06 ஓட்டங்களுடன் ஆட்டமிழந்தார்.
>>பங்களாதேஷின் கோரிக்கை நிராகரிப்பு; ஐ.சி.சி. 24 மணி நேர அவகாசம்<<
எனினும் இங்கிலாந்து அணிக்கு பென் டக்கட் மற்றும் ஜோ ரூட் ஜோடி இரண்டாம் விக்கெட் இணைப்பாட்டமாக 117 இணைப்பாட்டமாகப் பகிர்ந்தனர். எனினும் குறிப்பிட்ட இணைப்பாட்டத்தின் பின்னர் இலங்கையின் சுழல் பந்துவீச்சாளர்களை முகம் கொள்வதில் சிரமத்தினை எதிர் கொண்ட இங்கிலாந்து அணியானது 49.2 ஓவர்களில் அனைத்து விக்கெட்டுக்களையும் இழந்து 252 ஓட்டங்கள் பெற்று போட்டியில் தோல்வி அடைந்தது.
இங்கிலாந்து துடுப்பாட்டத்தில் பென் டக்கட் 62 ஓட்டங்களையும், ஜோ ரூட் 61 ஓட்டங்களையும் எடுக்க அவ்வணிக்கு இறுதி நம்பிக்கையாக அதிரடி ஆட்டத்துடன் கைகொடுத்த ஜிம்மி ஓவர்டன் 17 பந்துகளில் 2 சிக்ஸர்கள் மற்றும் 4 பௌண்டரிகள் அடங்கலாக 34 ஓட்டங்கள் எடுத்திருந்தார்.
இலங்கைப் பந்துவீச்சில் ப்ரமோத் மதுசான் 39 ஓட்டங்களுக்கு 3 விக்கெட்டுக்களையும், துனித் வெல்லாலகே மற்றும் ஜெப்ரி வன்டர்செய் ஆகியோர் தலா 2 விக்கெட் வீதம் கைப்பற்றினர். போட்டியின் ஆட்டநாயகனாக துனித் வெல்லாலகே தெரிவாகினார்.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Liam Dawson, b Sam Curran | 21 | 30 | 2 | 0 | 70.00 |
| Kamil Mishara | b Adil Rashid | 27 | 37 | 2 | 1 | 72.97 |
| Kusal Mendis | not out | 93 | 117 | 11 | 0 | 79.49 |
| Dhananjaya de Silva | lbw b Adil Rashid | 10 | 21 | 1 | 0 | 47.62 |
| Charith Asalanka | c Harry Brook b Rehan Ahmed | 17 | 16 | 2 | 0 | 106.25 |
| Janith Liyanage | c & b Adil Rashid | 46 | 53 | 5 | 1 | 86.79 |
| Pavan Rathnayake | c Jamie Overton b Liam Dawson, | 12 | 14 | 0 | 0 | 85.71 |
| Dunith Wellalage | not out | 25 | 12 | 3 | 1 | 208.33 |
| Extras | 20 (b 0 , lb 10 , nb 0, w 10, pen 0) |
| Total | 271/6 (50 Overs, RR: 5.42) |
| Bowling | O | M | R | W | Econ | |
|---|---|---|---|---|---|---|
| Jamie Overton | 9 | 0 | 66 | 0 | 7.33 | |
| Sam Curran | 8 | 0 | 40 | 1 | 5.00 | |
| Liam Dawson, | 10 | 1 | 31 | 1 | 3.10 | |
| Adil Rashid | 10 | 0 | 44 | 3 | 4.40 | |
| Rehan Ahmed | 10 | 0 | 61 | 1 | 6.10 | |
| Jacob Bethell | 3 | 0 | 19 | 0 | 6.33 | |
| Batsmen | R | B | 4s | 6s | SR | |
|---|---|---|---|---|---|---|
| Zak Crawley | c Kusal Mendis b Asitha Fernando | 6 | 11 | 1 | 0 | 54.55 |
| Ben Duckett | lbw b Jeffery Vandersay | 62 | 76 | 5 | 1 | 81.58 |
| Joe Root | lbw b Dhananjaya de Silva | 61 | 90 | 5 | 0 | 67.78 |
| Jacob Bethell | st Kusal Mendis b Dunith Wellalage | 15 | 33 | 1 | 0 | 45.45 |
| Harry Brook | st Kamindu Mendis b Charith Asalanka | 6 | 12 | 0 | 0 | 50.00 |
| Jos Buttler | b Pramod Madushan | 19 | 20 | 0 | 1 | 95.00 |
| Sam Curran | c & b Dunith Wellalage | 5 | 9 | 0 | 0 | 55.56 |
| Rehan Ahmed | c Dhananjaya de Silva b Pramod Madushan | 27 | 21 | 2 | 0 | 128.57 |
| Jamie Overton | c Jeffery Vandersay b Dunith Wellalage | 34 | 17 | 4 | 2 | 200.00 |
| Liam Dawson, | c Dhananjaya de Silva b Pramod Madushan | 2 | 2 | 0 | 0 | 100.00 |
| Adil Rashid | not out | 0 | 6 | 0 | 0 | 0.00 |
| Extras | 15 (b 0 , lb 5 , nb 1, w 9, pen 0) |
| Total | 252/10 (49.2 Overs, RR: 5.11) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 8 | 1 | 64 | 1 | 8.00 | |
| Pramod Madushan | 5.2 | 0 | 39 | 3 | 7.50 | |
| Dhananjaya de Silva | 8 | 0 | 22 | 1 | 2.75 | |
| Dunith Wellalage | 10 | 0 | 41 | 2 | 4.10 | |
| Charith Asalanka | 7 | 0 | 33 | 1 | 4.71 | |
| Jeffery Vandersay | 10 | 0 | 39 | 2 | 3.90 | |
| Kamil Mishara | 1 | 0 | 9 | 0 | 9.00 | |
>>மேலும் கிரிக்கெட் செய்திகளைப் படிக்க<<
