இந்திய கிரிக்கெட் அணியானது மூன்று போட்டிகள் கொண்ட T20 தொடரில் விளையாடுவதற்காக ஜூலை மாதம் ஜிம்பாப்வேயிற்கு சுற்றுப்பயணம் செய்யவுள்ளதாக தெரிவிக்கப்பட்டுள்ளது.
>>2024ஆம் ஆண்டின் பின்னர் நியூசிலாந்து அணிக்குத் திரும்பும் சுழல்வீரர்<<
ஜிம்பாப்வே கிரிக்கெட் வாரியம் (ZC) வெளியிட்டுள்ள தகவல்களின் அடிப்படையில், இந்த T20 தொடரில் மூன்று போட்டிகள் காணப்படும் என்பது சுட்டிக்காட்டத்தக்கது.
அந்தவகையில் இந்திய ஜிம்பாப்வே அணிகள் இடையிலான T20 தொடரின் போட்டிகள் ஜூலை 23, 25 மற்றும் 26 ஆகிய திகதிகளில் ஜிம்பாப்வேயின் ஹராரே மைதானத்தில் நடைபெறவிருக்கின்றன.
இறுதியாக 2024ஆம் ஆண்டு சுப்மன் கில் தலைமையிலான இளம் இந்திய அணி ஜிம்பாப்வேயில் 5 போட்டிகள் கொண்ட T20 தொடரில் விளையாடியது. அதில் முதல் போட்டியில் தோற்றாலும், அடுத்தடுத்த போட்டிகளில் வென்று இந்தியா 4-1 என்ற கணக்கில் தொடரைக் கைப்பற்றியிருந்தமை குறிப்பிடத்தக்கது.
அதேநேரம் 2027ஆம் ஆண்டின் ஜனவரியில் ஜிம்பாப்வே அணியானது இந்தியாவுக்கு சுற்றுப்பயணம் மேற்கொண்டு ஒருநாள் தொடரில் விளையாடவிருப்பதும் குறிப்பிடத்தக்கது.
சுமார் இரண்டு தசாப்தங்களின் பின்னர் இருதரப்பு ஒருநாள் தொடருக்காக ஜிம்பாப்வே அணி இந்தியாவுக்குப் பயணம் செய்வது குறிப்பிடத்தக்க விடயமாகும்.
>>மேலும் கிரிக்கெட் செய்திகளைப் படிக்க<<
