2026 டயலொக் மாபெரும் கிரிக்கெட் சமர் பருவகாலம் மார்ச்சில் ஆரம்பம்

இலங்கையின் முதற்தர இணைப்பு வழங்குநரான டயலொக் ஆசியாட்டா பிஎல்சி நிறுவனம் (Dialog Axiata PLC), 2026ஆம் ஆண்டிற்கான ‘மாபெரும் கிரிக்கெட் சமர்’ (Dialog Big Match Season 2026) பருவகாலத்தை பெருமையுடன் ஆரம்பித்து வைத்துள்ளது.

இலங்கையைப் பொறுத்தமட்டில் பாடசாலை மட்டக் கிரிக்கெட் விளையாட்டானது, எதிர்கால தேசிய மற்றும் சர்வதேச நட்சத்திரங்களை உருவாக்குவதற்கான அடித்தளமாகத் திகழ்வதுடன், இளம் வீரர்களின் கனவுகளுக்கு உயிர் கொடுக்கும் களமாகவும் அமைகின்றது.

இதன்படி, எதிர்வரும் மார்ச் மாதம் நாடு முழுவதும் பாடசாலைகளுக்கிடையிலான மாபெரும் கிரிக்கெட் சமரின் உற்சாகம் களைகட்டவுள்ள நிலையில், பழைய மாணவர்கள் மற்றும் தற்போதைய மாணவர்கள் ஒன்றிணைந்து விளையாட்டின் மீதான தங்களின் ஆர்வத்தைக் கொண்டாடும் தருணம் இதுவாகும். இம்முறை நாட்டின் 12 முன்னணி பாடசாலைகளுக்கு இடையிலான 6 முக்கிய வரலாற்றுச் சிறப்புமிக்க மாபெரும் கிரிக்கெட் சமர்களுக்கு டயலொக் நிறுவனம் அனுசரணை வழங்கவுள்ளது.

இது குறித்து டயலொக் ஆசியாட்டா பிஎல்சியின் குழும தலைமை சந்தைப்படுத்தல் அதிகாரி லசந்த தேவரப்பெரும கருத்து தெரிவிக்கையில், “இலங்கையின் விளையாட்டுப் பாரம்பரியத்தில் ‘டயலொக் பிக் மேட்ச்’ பருவகாலம் ஒரு அங்கமாக மாறியுள்ளது. நாட்டைப் பிரதிநிதித்துவப்படுத்தும் எதிர்கால வெற்றியாளர்களை உருவாக்கும் இந்த உன்னதமான பயணத்திற்குத் தொடர்ந்து ஆதரவளிப்பதில் நாங்கள் பெருமிதம் கொள்கிறோம்,” எனத் தெரிவித்தார்.

• டயலொக்கின் அனுசரணையில் கோலகலமாக ஆரம்பமாகும் பாடசாலை றக்பி லீக்
• பிரிமா KottuMee இன் விளம்பர தூதுவராக ஒப்பந்தமாகும் பெதும் நிஸ்ஸங்க ஒப்பந்தம்

பாடசாலை கிரிக்கெட்டை ஊக்குவிப்பதோடு மட்டுமல்லாமல், சர்வதேச மட்டத்திலும் டயலொக் தனது பங்களிப்பை வழங்கி வருகின்றது. அதன்படி, இலங்கையின் உத்தியோகபூர்வ ஐசிசி ஒளிபரப்பாளர் என்ற ரீதியில், நாளை (07) சனிக்கிழமை ஆரம்பமாகும் 2026 ஐசிசி ஆடவர் T20 உலகக் கிண்ணத் தொடரை பல்வேறு தளங்களின் ஊடாக 21 மில்லியனுக்கும் அதிகமான இலங்கையர்களிடம் டயலொக் கொண்டு சேர்க்கவுள்ளது.

இம்முறை டயலொக் அனுசரணையில் நடைபெறவுள்ள ஆறு மாபெரும் கிரிக்கெட் சமர்கள்:

• 147 ஆவது நீலங்களின் சமர் (Battle of the Blues): கொழும்பு றோயல் கல்லூரி – கல்கிஸ்சை புனித தோமியர் கல்லூரி மோதும் இம்மாபெரும் கிரிக்கெட் சமர் மார்ச் 12 முதல் 14 வரை கொழும்பு SSC மைதானத்தில் நடைபெறும். ஒருநாள் போட்டி மார்ச் 28 ஆம் திகதி இடம்பெறும்.
• 92 ஆவது புனிதர்களின் சமர் (Battle of the Saints): மருதானை புனித ஜோசப் – பம்பலப்பிட்டி புனித பேதுருவானர் கல்லூரிகளுக்கு இடையிலான மாபெரும் கிரிக்கெட் சமர் மார்ச் 19 முதல் 21 வரை கொழும்பு ளுளுஊ மைதானத்தில் நடைபெறவுள்ளதுடன், 52 ஆவது ஒருநாள் போட்டி ஏப்ரல் 25 ஆம் திகதி நடைபெறும்.
• 109 ஆவது வடக்கின் தங்கங்களின் சமர் (Northern Battle of the Golds): யாழ்ப்பாணம் புனித பத்திரிசியார் கல்லூரி மற்றும் யாழ்ப்பாணக் கல்லூரி அணிகள் மோதும் இம்மாபெரும் கிரிக்கெட் சமர் மார்ச் 12 முதல் 14 வரை வட்டுக்கோட்டை மைதானத்தில் நடைபெறும். ஒருநாள் போட்டி மார்ச் 21 ஆம் திகதி இடம்பெறும்.
• 119 ஆவது பழுப்பு நிறங்களின் சமர் (Battle of the Maroons): கண்டி தர்மராஜ கல்லூரி மற்றும் கிங்ஸ்வுட் கல்லூரி மோதும் மாபெரும் கிரிக்கெட் சமர் மார்ச் 21 முதல் 23 வரை அஸ்கிரிய மைதானத்தில் நடைபெறும்.
• 74 ஆவது தங்கங்களின் சமர் (Battle of the Golds): பாணந்துறை ஸ்ரீ சுமங்கல கல்லூரி மற்றும் மொரட்டு மகா வித்தியாலயம் ஆகியன மோதும் இம்மாபெரும் கிரிக்கெட் சமர் மார்ச் 27 முதல் 29 வரை மொரட்டுவை டிரோன் பெர்னாண்டோ மைதானத்தில் நடைபெறும்.
• 42 ஆவது பாறைகளின் போர் (Battle of the Rocks): புனித அன்னம்மாள் கல்லூரி மற்றும் மலியதேவ கல்லூரி ஆகியன மோதும் இம்மாபெரும் கிரிக்கெட் சமர் மார்ச் 20 முதல் 22 வரை குருநாகல் வெலகெதர மைதானத்தில் நடைபெறும்.

ரசிகர்கள் இந்த அனைத்து போட்டிகளையும் ThePapare TV (டயலொக் டிவி அலைவரிசை 62, 63, 126 மற்றும் 127) ஊடாகவும், Dialog ViU செயலி மற்றும் ThePapare.com இணையத்தளம் ஊடாகவும் நேரலையாகக் கண்டு மகிழலாம்.

கிரிக்கெட் தவிர, கரப்பந்தாட்டம், வலைப்பந்தாட்டம், e-ஸ்போர்ட்ஸ், கோல்ஃப் மற்றும் மாற்றுத்திறனாளிகளுக்கான விளையாட்டுப் போட்டிகளுக்கும் டயலொக் நிறுவனம் தொடர்ச்சியாக அனுசரணை வழங்கி வருகின்றமை குறிப்பிடத்தக்கது.

>>மேலும் கிரிக்கெட் செய்திகளைப் படிக்க<<