இலங்கையில் தற்போது ஏற்பட்டிருக்கும் சீரற்ற காலநிலையால் பாதிக்கப்பட்டுள்ள மக்களுக்கு உதவுவதற்கு இலங்கை கிரிக்கெட் அணியின் வீரர்கள் முன்வந்துள்ளனர்.
கடந்த இரண்டு நாட்களாக இலங்கையில் டிட்வா சூறாவளி காரணமாக நாட்டின் அனைத்து பகுதிகளிலும் கடும் மழை மற்றும் காற்று வீசி வருகின்றது.
த்ரில் வெற்றியுடன் முத்தரப்பு T20I தொடரின் இறுதிப் போட்டியில் இலங்கை அணி
இதனால் நிலச்சரிவு மற்றும் வெள்ள அனர்த்தங்களில் சிக்குண்டு 50 இற்கும் அதிகமானோர் உயிரை இழந்துள்ளதுடன், பலர் உடமைகளை இழந்து நிர்க்கதியாகியுள்ளனர்.
இந்தநிலையில் பாகிஸ்தான் சென்று ஒருநாள் மற்றும் முத்தரப்பு T20 தொடரில் விளையாடிவரும் இலங்கை அணி வீரர்கள் தங்களுடைய கவலையை வெளியிட்டுள்ளதுடன், தங்களால் இயன்ற உதவிகளை வழங்குவதற்கு முன்வந்துள்ளனர். அதன்படி வழங்கப்படும் பாகிஸ்தான் தொடர் கட்டணம் மற்றும் போட்டி கட்டணத்தை நிவாரண பணிகளுக்கு வழங்குவதாக அறிவித்துள்ளனர்.
குறித்த இந்த செய்தியை இலங்கை கிரிக்கெட் அணியின் தலைமை பயிற்றுவிப்பாளர் சனத் ஜயசூரிய தன்னுடைய உத்தியோகபூர்வ சமுகவலைத்தள பக்கத்தில் பதிவிட்டுள்ளார்.
“வெள்ளம் மற்றும் நிலச்சரிவுகளால் நமது மக்கள் எதிர்கொள்ளும் அசௌகரிக சூழ்நிலைகளால் வீரர்களும், பயிற்றுவிப்பாளர்களும் கண்டு வருத்தமடைந்துள்ளனர்.
ஒரு அணியாக, எங்களுடைய இதயம் உங்கள் அனைவருக்காகவும் உள்ளது. மேலும் பாதிக்கப்பட்டவர்களுக்கு ஆதரவாக பாகிஸ்தான் தொடரின் சுற்றுப்பயணத் தொகை மற்றும் போட்டி கட்டணத்தை நன்கொடையாக வழங்க முடிவு செய்துள்ளோம்.
நாங்கள் நாடு திரும்பியதும் தொடர்ந்து மேலும் பலவற்றை செய்ய எதிர்பார்க்கிறோம். தயவுசெய்து பாதுகாப்பாக இருங்கள், வழிகாட்டுதல்களைப் பின்பற்றுங்கள் மற்றும் இந்த கடினமான நேரத்தில் ஒருவருக்கொருவர் கவனித்துக் கொள்ளுங்கள். அனைத்து இலங்கையர்களுடனும் ஒன்றிணைந்திருங்கள்” என பதிவிட்டுள்ளார்.
>>மேலும் கிரிக்கெட் செய்திகளைப் படிக்க<<
