அவுஸ்திரேலியாவில் நடைபெறவுள்ள முக்கோணத் தொடரில் பங்கேற்பதற்காக 15 பேர் கொண்ட இலங்கை 19 வயதுக்குட்பட்ட மகளிர் கிரிக்கெட் குழாத்தை இலங்கை கிரிக்கெட் தெரிவுக்குழு அறிவித்துள்ளது.
மொனராகலை பஞ்ஞாநந்த மகா வித்தியாலயத்தைச் சேர்ந்த சாமோதி பிரபோதா இந்த தொடரில் இலங்கை அணியின் தலைவியாக செயல்படவுள்ளார்.
இதனிடையே, ஆரம்பத்தில் குழாத்தில் பெயரிடப்பட்டிருந்த உடுதும்பர இரண்டாம் நிலை கல்லூரியைச் சேர்ந்த தரணி திஸாநாயக்க, கணுக்கால் உபாதை காரணமாக இச்சுற்றுப்பயணத்தில் இருந்து விலகியுள்ளார்.
அதேபோல, இலங்கை கிரிக்கெட் அணியின் முன்னாள் அதிரடி ஆரம்ப துடுப்பாட்ட வீரரான திலகரட்ன டில்ஷானின் புதல்வி லிமன்சா திலகரத்னவும் இக்குழாத்தில் இடம்பெற்றுள்ளமை மற்றுமொரு சிறப்பம்சமாகும்.
>>ஏப்ரலில் ஆஸி. செல்லும் இலங்கை U19 மகளிர் கிரிக்கெட் அணி
இந்தத் தொடரில் இலங்கை மற்றும் அவுஸ்திரேலியாவுடன் இங்கிலாந்து அணியும் போட்டியிடவுள்ளதுடன், இலங்கை அணி மொத்தம் 6 போட்டிகளில் விளையாடவுள்ளது. இதில் இரண்டு ஒருநாள் போட்டிகளும், நான்கு இருபதுக்கு 20 (T20) போட்டிகளும் அடங்கும். இப்போட்டிகள் ஏப்ரல் மாதம் 7, 8, 12, 13, 17 மற்றும் 18 ஆகிய திகதிகளில் நடைபெறவுள்ளன.
இலங்கை குழாம் நாளை, 2026 ஏப்ரல் 3ஆம் திகதி அவுஸ்திரேலியா நோக்கிப் புறப்படவுள்ளமை குறிப்பிடத்தக்கது.
இலங்கை 19 வயதுக்குட்பட்ட மகளிர் குழாம்:
சாமோதி பிரபோதா (தலைவி) – பஞ்ஞாநந்த மகா வித்தியாலயம், மொனராகலை
விமோக்ஷா பாலசூரிய – சிங்கள மகா வித்தியாலயம், திருகோணமலை
சஞ்சனா காவிந்தி – தேவபத்திராஜ கல்லூரி, ரத்கம
உமையங்கனா பீரிஸ் – பிரின்சஸ் ஒஃப் வேல்ஸ் கல்லூரி, மொரட்டுவை
நேதகி இசூராஞ்சலி – தேவபத்திராஜ கல்லூரி, ரத்கம
ஷஷினி கிம்ஹானி – தேவபத்திராஜ கல்லூரி, ரத்கம
பிரமுதி மெத்சரா – உஹன தேசிய பாடசாலை, அம்பாறை
லிமன்சா திலகரத்ன
நெத்மி உபேக்ஷா – மஹலியதேவ மகளிர் வித்தியாலயம், குருநாகல்
அசேனி தலகனே – மஹாமாயா மகளிர் பாடசாலை, கண்டி
சாமோதி ஹேரத் – அநுர கல்லூரி, மாத்தறை
தனோத்யா செவ்வினி – ஆனமடுவ மத்திய கல்லூரி, புத்தளம்
யெஷாலி ஜிதாரா – அநுலா கல்லூரி, நுகேகொடை
டாரியா திஸாநாயக்க – மகளிர் கல்லூரி, கொழும்பு
ஷயானி தென்னகோன் – றோயல் கல்லூரி, பொலன்னறுவை
>>மேலும் கிரிக்கெட் செய்திகளைப் படிக்க<<
