இங்கிலாந்து செல்லும் இலங்கை கிரிக்கெட் அணி; ஒருநாள் மற்றும் T20 குழாம்கள் வெளியீடு
இங்கிலாந்துக்கு எதிராக நடைபெறும் T20 மற்றும் ஒருநாள் தொடர்களில் பங்கெடுக்கும் இலங்கை ஆடவர் கிரிக்கெட் குழாம்கள் வெளியிடப்பட்டுள்ளன.
இலங்கை கிரிக்கெட் அணியானது இங்கிலாந்து சென்று அங்கே மூன்று போட்டிகள் கொண்ட ஒருநாள் மற்றும் மூன்று போட்டிகள் கொண்ட T20 தொடர் என்பவற்றில் ஆடுகின்றது. இந்த சுற்றுப்பயணத்தில் முதலாவதாக T20 தொடர் செப்டம்பர் 15ஆம் திகதி சௌத்தம்ப்டனில் ஆரம்பமாகவிருக்கும் நிலையில், இலங்கையின் T20 மற்றும் ஒருநாள் குழாம்கள் வெளியிடப்பட்டுள்ளன.
ஜிம்பாப்வே, தென்னாபிரிக்க தொடர்களுக்கான ஆஸி. குழாம் வெளியீடு
குசல் மெண்டிஸ் தலைமையில் அறிவிக்கப்பட்டுள்ள இந்த இரு அணிக் குழாம்களிலும் சரித் அசலங்க பிரதி தலைவராக நியமிக்கப்பட்டுள்ளார். முன்னதாக T20 அணியிலிருந்து நீக்கப்பட்டிருந்த அசலங்க, தற்போது இரண்டு அணிகளுக்குமான உப தலைவராக மீண்டும் பொறுப்பேற்றுள்ளமை குறிப்பிடத்தக்கது. அத்துடன், காயம் காரணமாக அண்மையில் நடைபெற்ற இந்திய டெஸ்ட் தொடரில் விளையாடாத முக்கிய துடுப்பாட்ட வீரரான பெதும் நிஸ்ஸங்க, குசல் மெண்டிஸ் உடன் மீண்டும் அணிக்குள் இணைந்துள்ளார்.
அதேவேளை 2024ஆம் ஆண்டின் ஜனவரி மாதத்திற்குப் பிறகு ஒருநாள் போட்டிகளில் விளையாடாமல் இருந்த முன்னாள் அணித்தலைவர் தசுன் ஷானக்க, நீண்ட இடைவெளிக்குப்பின் மீண்டும் ஒருநாள் அணியில் சேர்க்கப்பட்டுள்ளார். உள்ளூர் போட்டிகளில் சிறப்பான திறமையை வெளிப்படுத்திய இளம் சுழற்பந்துவீச்சாளர்களான சசிந்து கொலம்பகே ஒருநாள் அணிக்கும், தரிந்து ரத்நாயக்க T20 அணிக்கும் அறிமுக வீரர்களாக இணைக்கப்பட்டிருக்கின்றனர்.
மகளிர் சம்பியன்ஸ் கிண்ணம்; நடாத்தும் வாய்ப்பை இழக்குமா இலங்கை?
இங்கிலாந்து தொடரில் பங்கெடுக்கும் இலங்கை அணிக்குழாம், இம்மாதம் 05ஆம் திகதி இங்கிலாந்து நோக்கி பயணமாகவுள்ளது.
ஒருநாள் குழாம்:
பெதும் நிஸ்ஸங்க, கமில் மிஷார, கமிந்து மெண்டிஸ், சரித் அசலங்க (பிரதி தலைவர்), குசல் மெண்டிஸ் (தலைவர்), ஜனித் லியனகே, பவன் ரத்நாயக்க, தசுன் ஷானக்க, வனிந்து ஹசரங்க, துனித் வெல்லாலகே, மஹீஷ் தீக்ஷன, சசிந்து கொலம்பகே, துஷ்மன்த சமீர, எஷான் மாலிங்க, அசித பெர்னாண்டோ, டில்ஷான் மதுஷங்க
T20I குழாம்:
பெதும் நிஸ்ஸங்க, கமில் மிஷார, லஹிரு உதார, குசல் மெண்டிஸ் (தலைவர்), கமிந்து மெண்டிஸ், சரித் அசலங்க (பிரதி தலைவர்), ஜனித் லியனகே, தசுன் ஷானக்க, துனித் வெல்லாலகே, வனிந்து ஹசரங்க, மஹீஷ் தீக்ஸன, தரிந்து ரத்நாயக்க, துஷ்மன்த சமீர. எஷான் மாலிங்க, நுவான் துஷார, பினுர பெர்னாண்டோ
>>மேலும் கிரிக்கெட் செய்திகளைப் படிக்க<<
