ஜிம்பாப்வே டெஸ்ட் தொடரில் பங்கேற்கும் பென் ஸ்டோக்ஸ் தலைமையிலான 13 பேர் அடங்கிய இங்கிலாந்து அணி அறிவிக்கப்பட்டுள்ளது.
ஜிம்பாப்வே அணி சமீபத்தில் பங்களாதேஷுக்கு சுற்றுப்பயணம் செய்து 2 போட்டிகள் கொண்ட டெஸ்ட் தொடரில் விளையாடியது. இத்தொடரின் முடிவில் இரு அணிகளும் தலா ஒரு வெற்றியைப் பதிவுசெய்து அசத்தியதுடன் 1-1 என்ற கணக்கில் டெஸ்ட் தொடரையும் சமன்செய்தன.
இதனைத்தொடர்ந்து ஜிம்பாப்வே அணி இங்கிலாந்தில் சுற்றுப்பயணம் செய்து ஒரே ஒரு டெஸ்ட் போட்டியில் விளையாடவுள்ளது. அதன்படி இவ்விரு அணிகளுக்கும் இடையேயான இந்த டெஸ்ட் போட்டியானது நொட்டிங்ஹாமில் உள்ள ட்ரென்ட் பிரிட்ஜ் மைதானத்தில் மே 22ஆம் திகதி நடைபெறவுள்ளது. இந்த நிலையில் இந்த டெஸ்ட் போட்டிக்கான பென் ஸ்டோக்ஸ் தலைமையிலான 13 பேர் அடங்கிய இங்கிலாந்து அணி அறிவிக்கப்பட்டுள்ளது.
இதில் கடந்தாண்டு நியூசிலாந்துக்கு எதிரான டெஸ்ட் போட்டியின் போது காயத்தை சந்தித்த பென் ஸ்டோக்ஸ் அதன்பின் கிட்டத்திட்ட 5 மாதங்களாக எந்தவொரு போட்டிகளிலும் பங்கேற்காமல் விலகி வந்தார்.
தற்போது நடைபெற்று வருகின்ற ஐபிஎல் தொடரைப் போல, கவுண்டி சம்பியன்ஷிப் தொடரில் டர்ஹாம் அணிக்காகவும் அவர் எந்தவொரு போட்டிகளிலும் விளையாடமால் இருந்து வந்த நிலையில், தற்போது காயத்தில் இருந்து மீண்டுள்ளார். இதனால் ஜிம்பாப்வே தொடரில் இங்கிலாந்து அணியின் தலைவராக பென் ஸ்டோக்ஸ் செயல்படுவார் என அறிவிக்கப்பட்டுள்ளது.
- 2026 மகளிர் T20 உலகக் கிண்ண இறுதிப்போட்டி லோர்ட்ஸில்
- முக்கோண ஒருநாள் தொடரில் இலங்கை மகளிருக்கு முதல் வெற்றி
- 4ஆவது போட்டியிலும் பங்களாதேஷ் இளையோரிடம் இலங்கை தோல்வி
மேற்கொண்டு இந்த இங்கிலாந்து டெஸ்ட் அணியில் அறிமுக வீரர்களான வேகப்பந்து வீச்சாளர் சாம் குக் மற்றும் விக்கெட் காப்பாளர் ஜோர்டன் கொக்ஸ் ஆகிய இருவருக்கும் வாய்ப்பு வழங்கப்பட்டுள்ளது. இவர்கள் தற்போது நடைபெற்றுவரும் கவுண்டி சம்பியன்ஷிப் தொடரில் சசெக்ஸ் அணிக்காக விளையாடி வந்த நிலையில், தொடர்ச்சியாக சிறப்பான ஆட்டத்தை வெளிப்படுத்தியதன் மூலம் இங்கிலாந்து டெஸ்ட் அணியில் தேர்வு செய்யப்பட்டுள்ளனர்.
மேற்கொண்டு கடந்த இரண்டு ஆண்டுகளாக இங்கிலாந்து டெஸ்ட் அணியில் இடம்பிடிக்க முடியாமல் தடுமாறி வந்த வேகப்பந்து வீச்சாளர் ஜோஷ் டொங்கிற்கு இந்த அணியில் வாய்ப்பு வழங்கப்பட்டுள்ளது. இதுதவிர்த்து அணியின் நட்சத்திர வீரர்கள் ஜோ ரூட், பென் டக்கெட், ஹெரி ப்ரூக், கஸ் அட்கின்சன், ஒல்லி போப் ஆகியோருடன் ஸாக் கிரௌலி, சொயப் பசீர், ஜேமி ஸ்மித் உள்ளிட்டோரும் இங்கிலாந்து டெஸ்ட் அணியில் தங்கள் இடங்களைத் தக்கவைத்துள்ளனர்.
இங்கிலாந்து டெஸ்ட் அணி விபரம்:
பென் ஸ்டோக்ஸ் (தலைவர்), கஸ் அட்கின்சன், ஷொயப் பஷீர், ஹெரி புரூக், சாம் குக், ஜோர்டான் கொக்ஸ், ஜாக் கிரௌலி, பென் டக்கெட், ஓல்லி போப், மெத்யூ பாட்ஸ், ஜோ ரூட், ஜேமி ஸ்மித், ஜோஷ் டொங்.
>>மேலும் கிரிக்கெட் செய்திகளைப் படிக்க<<
