நியூசிலாந்து A கிரிக்கெட் அணி ஏப்ரல் மாதம் இலங்கைக்கு சுற்றுப்பயணம் மேற்கொண்டு மூன்று ஒருநாள் போட்டிகள் மற்றும் இரண்டு நான்கு நாள் போட்டிகளில் விளையாடவுள்ளதாக தெரிவிக்கப்பட்டுள்ளது.
>>சமநிலை அடைந்த 109ஆவது பொன் அணிகளின் சமர்<<
இலங்கை கிரிக்கெட் சபை (SLC) இன்று (17) வெளியிட்டுள்ள ஊடக அறிவிப்பில் நியூசிலாந்தின் A அணியானது ஏப்ரல் 2ஆம் திகதி இலங்கையை வந்தடையவிருப்பதோடு காலி சர்வதேச மைதானத்தில், இலங்கை – நியூசிலாந்து A அணிகள் இடையிலான ஒருநாள் தொடரின் முதல் போட்டி ஏப்ரல் 5ஆம் திகதி ஆரம்பமாகவிருக்கின்றது.
பின்னர் ஒருநாள் தொடரின் அடுத்த இரண்டு போட்டிகளும் ஏப்ரல் 8 மற்றும் 11 ஆம் ஆகிய திகதிகளில் ஹம்பாந்தோட்டை சூரியவெவ மைதானத்தில் இடம்பெறவிருக்கின்றன. ஒருநாள் தொடரின் அனைத்துப் போட்டிகளும் பகல் ஆட்டங்களாக நடைபெறவிருக்கின்றமை சுட்டிக்காட்டத்தக்கது.
ஒருநாள் தொடரைத் தொடர்ந்து, இரண்டு நான்கு நாள் கொண்ட முதல்தரப் போட்டித் தொடர் ஏப்ரல் 16ஆம் திகதி ஹம்பாந்தோட்டையில் ஆரம்பமாகுகின்றது.
நியூசிலாந்து A அணியுடனான கிரிக்கெட் தொடர்கள் தேசிய அணியின் வீரர்களை தயார்படுத்தவும், வளர்ந்து வரும் இளம் வீரர்களுக்கு சர்வதேச தரத்திலான அனுபவத்தை வழங்கவும் சிறந்த வாய்ப்பாக அமையும் என இலங்கை கிரிக்கெட் சபை நம்பிக்கை வெளியிட்டுள்ளது.
போட்டி அட்டவணை
| திகதி | போட்டி | மைதானம் |
| ஏப்ரல் 5 | முதல் ஒருநாள் போட்டி | காலி |
| ஏப்ரல் 8 | இரண்டாவது ஒருநாள் போட்டி | ஹம்பாந்தோட்டை |
| ஏப்ரல் 11 | மூன்றாவது ஒருநாள் போட்டி | ஹம்பாந்தோட்டை |
| ஏப்ரல் 16 – 19 | முதலாவது நான்கு நாள் போட்டி | ஹம்பாந்தோட்டை |
| ஏப்ரல் 23 – 26 | இரண்டாவது நான்கு நாள் போட்டி | ஹம்பாந்தோட்டை |
>>மேலும் கிரிக்கெட் செய்திகளைப் படிக்க<<
