இந்திய – மேற்கிந்திய தீவுகள் அணிகள் இடையில் தற்போது டெல்லியில் நடைபெற்று வருகின்ற, இரண்டாவது டெஸ்ட் போட்டியில் மேற்கிந்திய தீவுகள் அணி வீரரான ஜேய்டன் சீல்ஸ் ஐ.சி.சி. இன் ஒழுங்கு விதிமுறைகளை மீறி செயற்பட்டதாக அபாரதம் பெற்றிருக்கின்றார்.
>>இலங்கை மகளிருக்கு உலகக் கிண்ணத்தில் இரண்டாவது தோல்வி
இந்திய – மேற்கிந்திய தீவுகள் இடையிலான இரண்டாவது டெஸ்ட் போட்டியில் இந்திய துடுப்பாட்ட வீரர் யஷஸ்வி ஜெய்ஸ்வால் மீது களத்தடுப்பில் ஈடுபட்ட சீல்ஸ், பந்தினை முரணான விதத்தில் வீசியெறிந்த குற்றச்சாட்டின் காரணமாகவே அபராதம் பெற்றிருப்பது குறிப்பிடத்தக்கது.
அந்தவகையில் சீல்ஸின் போட்டிக்கட்டணத்தில் 25% இணை அவர் தற்போது அபராதமாக செலுத்த வேண்டிய நிலையில், அவருக்கு இது மாதிரியான குற்றம் ஒன்றை கடந்த 24 மாத காலப்பகுதியில் செய்தமைக்கான இரண்டாவது நன்னடத்தை விதிமீறல் புள்ளியும் வழங்கப்பட்டிருக்கின்றமை சுட்டிக்காட்டத்தக்க வேண்டிய விடயமாகும். முன்னதாக சீல்ஸ் பங்களாதேஷ் அணியுடனான டெஸ்ட் போட்டியின் போது நன்னடத்தை விதிமீறல் புள்ளியொன்றினை பெற்றிருந்தமை குறிப்பிடத்தக்கது.
தனக்கு விதிக்கப்பட்ட அபாரதத்திற்கு சீல்ஸ் எதிர்ப்பினை தெரிவிக்காத போதும் 24 வயது நிரம்பிய அவர், ஜெய்ஸ்வாலினை ஆட்டமிழப்புச் செய்யும் நோக்கிலேயே பந்தினை வீசியெறிந்ததாக கூறப்படுகின்றமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
