இங்கிலாந்து கிரிக்கெட் அணியின் முன்னணி பந்துவீச்சு சகலதுறைவீரரான கிறிஸ் வோக்ஸ் சர்வதேச கிரிக்கெட் போட்டிகளில் இருந்து ஓய்வு பெறுவதாக தெரிவிக்கப்பட்டுள்ளது.
>>ஆசியக்கிண்ண சம்பியனாக மகுடம்சூடிய இந்தியா!
அவுஸ்திரேலியாவில் 2025ஆம் ஆண்டுக்கான ஆஷஸ் தொடர் நடைபெறவுள்ள நிலையில், இந்த தொடருக்கான இங்கிலாந்து டெஸ்ட் குழாம் அறிவிக்கப்பட்டிருந்தது.
36 வயது நிரம்பிய வோக்ஸ் ஆஷஸ் தொடருக்கான இங்கிலாந்து குழாத்தில் இணைக்கப்படாத நிலையிலையே, தனது ஓய்வு அறிவிப்பினை வெளியிட்டுள்ளார்.
இறுதியாக ஓவல் மைதானத்தில் இந்திய அணியுடன் நடைபெற்ற டெஸ்ட் போட்டியில் இங்கிலாந்து அணியினை கிறிஸ் வோக்ஸ் இறுதியாக பிரதிநிதித்துவம் செய்திருந்தார்.
அதேநேரம் ஓய்வு அறிவிப்பினை வெளியிட்ட போதிலும் கிறிஸ் வோக்ஸ் இங்கிலாந்தின் உள்ளூர் கவுண்டி தொடரில் விளையாட விருப்பம் தெரிவித்திருப்பதோடு, T20 லீக்குகளிலும் தொடர்ந்து ஆடுவார் எனக் கூறப்பட்டிருக்கின்றது.
இங்கிலாந்து அணிக்காக 62 டெஸ்ட் போட்டிகளில் ஆடியுள்ள வோக்ஸ் 192 விக்கெட்டுக்களைக் கைப்பற்றியுள்ளதோடு, ஒரு சதம் மற்றும் 7 அரைச்சதங்களை பெற்றுள்ளார். அதேநேரம் 122 ஒருநாள் போட்டிகளில் விளையாடி அவர் 173 விக்கெட்டுக்களையும், 33 T20I போட்டிகளில் விளையாடி 31 விக்கெட்டுக்களையும் கைப்பற்றியுள்ளமை குறிப்பிடத்தக்கது.
