2025/26 Champions League පාපන්දු තරගාවලියේ සුපිරි අට වටයේ පස් වැනි සතියට අදාළ තරග හතරක් ගෙවුණු සති අන්තයේ දී ක්රියාත්මක වුනා.
පෙබරවාරි 28 (සෙනසුරාදා)
New Star SC vs Saunders SC
මෙම තරගයේ පළමු අර්ධය තුළ ම New Star කණ්ඩායම ගෝල ද්විත්වයක් ලබා ගනිමින් තරගයේ පෙරමුණ ලබා ගැනීමට සමත් වුනා. කෙසේ වෙතත් Saunders ක්රීඩකයින් මෙම කාලය තුළ එකදු ගෝලයක් හෝ වාර්තා කළේ නැහැ.
කෙසේ වෙතත් තරගයේ දෙවැනි අර්ධය තුළ සිය පෙර වැරදි සියල්ල නිවැරදි කර ගත් Saunders ක්රීඩකයින් ද තරගයට අවතීර්ණ වුනා. මෙම අර්ධය තුළ New Star කණ්ඩායම තවත් එක් ගෝලයක් වාර්තා කරන අතරේ, Saunders කණ්ඩායම විසින් ගෝල ත්රිත්වයක් වාර්තා කිරීමට සමත් වුනා.
- Saunders SC 3 – New Star 3
Serendib SC සහ Pelicans SC
තරගයේ පළමු අර්ධය තුළ වාර්තා වූ එකම ගෝලය Pelicans කණ්ඩායම සතු වුනා.
කෙසේ වෙතත් තරගයේ දෙවැනි අර්ධය තුළ Serendib කණ්ඩායම ද එක් ගෝලයක් වාර්තා කර ගනිමින්, තරගය සම මට්ටමින් අවසන් කර ගැනීමට සමත් වුනා.
- Pelicans SC 1 – Serendib SC 1
- SAFF U20 තරගාවලිය සඳහා ශ්රී ලංකා පාපන්දු සංචිතය නම් කරයි
- පිහිනන්න නොදැන ඔලිම්පික් ගිය පිහිනුම් ශූරයා
- ගංගා සිය තරග වටයේ පළමු ස්ථානයට!
- ඉන්දියාව පළමු පදක්කම දිනයි, බ්රසීලයට නොසිතූ පරාජයක්!
- විරේන්ට පළමු තරගයෙන් පරාජයක්
මාර්තු 01 (ඉරිදා)
Solid SC සහ SL Police SC
මෙම තරගයේ පළමු අර්ධය තුළ කණ්ඩායම් දෙකම ඉතා හොඳ මට්ටමේ සටනකට අවතීර්ණ වුනා. එහි දී Solid ක්රීඩකයින් ගෝල ද්විත්වයක් ලබාගන්නා අතරේ, Police කණ්ඩායම එක් ගෝලයක් වාර්තා කිරීමට සමත් වුනා.
කෙසේ වෙතත් තරගයේ දෙවැනි අර්ධයේ දී පොලිස් ක්රීඩකයින් මර්දනය කරමින් තරගයේ ජය තමන් වෙත හරවා ගැනීමට Solid ක්රීඩකයින්ට හැකියාව ලැබුණා.
- Solid SC 3 – Police SC 1
St. Mary’s SC සහ Java Lane SC
මෙම තරගය ආරම්භයේ පටන් ම ඉතා හොඳ කරට කර සටනක් නිර්මාණය කළා. තරගයේ පළමු අර්ධය තුළ කණ්ඩායම් දෙකම ගෝල ලබා ගැනීමට සමත් නොවුණු අතර, තරගයේ දෙවැනි අර්ධය ද ඒ අයුරින් ම ක්රියාත්මක වුනේ ජය පැරදුමෙන් තොර තවත් තරගයක නිමාව සනිටුහන් කරමිනුයි.
- St. Mary’s SC 0 – Java Lane SC 0
දේශීය පාපන්දු ලීගයේ සියලු තරග විස්තර ඔබ වෙත සමීප කිරීමට ThePapare සූදානම්, රැඳී සිටින්න ශ්රී ලංකාවේ අංක එකේ ක්රීඩා නාලිකාව ThePapare සමඟින්.
>>තවත් පාපන්දු පුවත් සඳහා පිවිසෙන්න<<
