டிபெண்டர்ஸ் அணியை இலகுவாக வீழ்த்திய ரெட் ஸ்டார்! ரினௌன் வி.க எதிர் ப்ளூ ஸ்டார் வி.க

சுப்பர் லீக்கில் நேற்று (சனிக்கிழமை) நடைபெற்ற தொடரின் 32ஆவது போட்டியில் ரினௌன் அணி 3-2 என்ற கோல் கணக்கில் ப்ளூ ஸ்டார் அணியை வீழ்த்தி வெற்றிபெற்றது.

போட்டியின் 13ஆவது நிமிடத்தில் கோல் எண்ணிக்கையை ஆரம்பித்த ரினௌன் அணிக்காக முஹமத் ஷாஹில் முதல் கோலை பெற்றுக்கொடுத்தார்.

இதனை தொடர்ந்து 19ஆவது நிமிடத்தில் மொஹமட் அஷாத் இரண்டாவது கோலை பெற்றுக்கொடுக்க, 21ஆவது நிமிடத்தில் ப்ளூ ஸ்டார் அணியின் மொஹமட் பாஹிர் கோலடித்தார்.

ஆட்டத்தில் 2-1 என்ற கோல்கள் கணக்கில் ரினௌன் முன்னிலை வகித்த போதும், ஆட்டத்தின் 44ஆவது நிமிடத்தில் ப்ளூ ஸ்டார் அணியின் மொஹமட் இஷாக் கோலடித்து முதல் பாதியை 2-2 என சமப்படுத்தினார்.

>>ப்ளூ ஈகல்ஸை 4-0 என வீழ்த்திய அப் கண்ட்ரி லயன்ஸ்!<<

மீண்டும் விறுவிறுப்பாக நடைபெற்ற இந்தப் போட்டியில் இரண்டு அணிகளும் கோல்களை பெற்றுக்கொள்ளும் முயற்சிகளை மேற்கொண்டன. இதில் ஆட்டத்தின் 58ஆவது நிமிடத்தில் ரினௌன் அணியின் இமானுவேல் அனாபுல் கோலடித்து அணியை 3-2 என முன்னிலைப்படுத்தினார். இதனை தொடர்ந்து கோலடிக்கும் முயற்சிகள் தடுக்கப்பட ரினௌன் அணி 3-2 என்ற கோல்கள் கணக்கில் வெற்றிபெற்றது.

முழுநேரம் – ரினௌன் வி.க 3 – 2 ப்ளூ ஸ்டார் வி.க

ரெட் ஸ்டார் எதிர் டிபெண்டர்ஸ்

இதேவேளை இன்று நடைபெற்ற டிபெண்டர்ஸ் அணிக்கு எதிரான தொடரின் 33ஆவது போட்டியில் ரெட் ஸ்டார் அணியினர் 5-1 என்ற கோல்கள் கணக்கில் இலகுவான வெற்றியை பதிவுசெய்தனர்.

ஆட்டத்தின் முதலாவது கோலினை 10ஆவது நிமிடத்தில் டிபெண்டர்ஸ் அணி பெற்றிருந்தது. நிரோஷன் பதிரகே பெனால்டி எல்லைக்குள் இருந்து உதைத்த பந்தினை கோல் காப்பாளர் துரதிஷ்டவசமாக தவறவிட டிபெண்டர்ஸ் அணி முதல் கோலை பதிவுசெய்தது.

எனினும் 23ஆவது நிமிடத்தில் ரெட் ஸ்டார் அணிக்காக சுபன் தனஞ்சய கோலடித்து ஆட்டத்தை 1-1 என சமப்படுத்தினார். எனினும் முதல் பாதியில் மேலதிகமாக வழங்கப்பட்ட மூன்றாவது நிமிடத்தில் அசாண்டே ஜெரோம் கோலடித்து முதல் பாதியில் 2-1 என அணியை முன்னிலைப்படுத்தினார்.

>>நியூவ் யங்ஸை 6-0 என வீழ்த்திய அப் கண்ட்ரி லயன்ஸ்!<<

பின்னர் போட்டி ஆரம்பித்த இரண்டாவது நிமிடத்தில் (47) ரெட் ஸ்டார் அணியின் மொஹமட் ரில்ஹாட் பிரீ கிக் வாய்ப்பை பெனால்டி எல்லைக்குள் செலுத்த டிபெண்டர்ஸ் அணியின் அப்தீன் பயாஸ் ஹெடர் செய்து தடுக்க முற்பட்டபோதும், குறித்த பந்து கோல் கம்பத்துக்குள் சென்று ரெட் ஸ்டார் அணிக்கு  மேலும் ஒரு கோலை பெற்றுத்தந்தது.

இந்த கோலினை தொடர்ந்து ஆட்டத்தின் 77ஆவது நிமிடத்தில் மற்றுமொரு கோலினை பதிவுசெய்தது. துவான் ஷியாம் அணிக்காக தன்னுடைய முதல் கோலை பெற்றுக்கொடுத்தார். இறுதியாக போட்டியில் மேலதிக நேரம் வழங்கப்பட்ட நிலையில், 93ஆவது நிமிடத்தில் அசாண்டே ஜெரோம்  மீண்டும் கோலடித்து அணியின் வெற்றியை 5-1 என உறுதிசெய்தார்.

முழுநேரம் – ரெட் ஸ்டார் 5 – 1 டிபெண்டர்ஸ்

>> மேலும் கால்பந்து செய்திகளுக்கு <<