சுற்றுலா இலங்கை மற்றும் மேற்கிந்திய தீவுகள் இடையிலான இரண்டாவது டெஸ்ட் போட்டியின் இரண்டாம் நாள் ஆட்டநிறைவில், இலங்கை அணி இமலாய முதல் இன்னிங்ஸ் துடுப்பாட்டத்தோடு வலுவான நிலையினை எட்டியிருக்கின்றது.
>>இலங்கை அணியினை முதல்நாளில் பலப்படுத்திய உதார – மெண்டிஸ் ஜோடி<<
அன்டிகுவாவில் நடைபெற்று வருகின்ற தீர்மானம் கொண்ட இந்த டெஸ்ட் போட்டியின் முதல் நாள் ஆட்டம் நிறைவுக்கு வரும் போது இலங்கை அணியானது லஹிரு உதார மற்றும் கமிந்து மெண்டிஸ் ஆகியோரது சிறந்த துடுப்பாட்டங்களுடன் 83 ஓவர்கள் நிறைவில் 5 விக்கெட்டுக்களை இழந்து 338 ஓட்டங்களுடன் காணப்பட்டது. களத்தில் குசல் மெண்டிஸ் ஓட்டங்களின்றியும், சொனால் தினுஷ 5 ஓட்டங்களுடனும் இருந்தனர்.
போட்டியின் இரண்டாம் நாள் ஆட்டத்தில் தமது முதல் இன்னிங்ஸ் துடுப்பாட்டத்தினை தொடர்ந்த இலங்கை அணிக்கு ஆறாம் விக்கெட் இணைப்பாட்டமாக குசல் மெண்டிஸ் – சொனால் தினுஷ ஜோடி மூலம் 143 ஓட்டங்கள் பெறப்பட்டது.
இலங்கை அணியின் ஆறாம் விக்கெட்டாக ஆட்டமிழந்த குசல் மெண்டிஸ் அதிரடி கலந்த நிதானத்துடன் டெஸ்ட் போட்டிகளில் தன்னுடைய 23ஆவது அரைச்சதத்தை பூர்த்தி செய்து 3 சிக்ஸர்கள் மற்றும் 8 பௌண்டரிகள் அடங்கலாக 69 ஓட்டங்கள் பெற்றார்.
குசல் மெண்டிஸ் ஆட்டமிழந்த பின்னர் தொடர்ந்து இலங்கைத் தரப்பினை சொனால் தினுஷ பலப்படுத்தினார். எனினும் துரதிஷ்டவசமாக சதத்தினை நெருங்கிய நிலையில் அவரின் விக்கெட் பறிபோனது. 12 பௌண்டரிகள் அடங்கலாக சொனால் தினுஷ 92 ஓட்டங்கள் பெற்று தன்னுடைய சிறந்த துடுப்பாட்ட இன்னிங்ஸை வெளிக்காட்டியிருந்தார்.
சொனால் தினுஷவின் விக்கெட்டின் பின்னர் முதல் இன்னிங்ஸில் இமாலய ஓட்டங்களை எட்டியிருந்த இலங்கை வீரர்கள் 549 ஓட்டங்களுக்கு 9 விக்கெட்டுக்களை இழந்து காணப்பட்டிருக்க தமது முதல் இன்னிங்ஸ் துடுப்பாட்டத்தினை இடைநிறுத்திக் கொண்டனர்.
மேற்கிந்திய தீவுகள் அணியின் பந்துவீச்சில் ஜய்டன் சீல்ஸ் மற்றும் ஷமார் ஜோசேப் ஆகியோர் தலா 2 விக்கெட் வீதம் கைப்பற்றியிருந்தமை குறிப்பிடத்தக்கது.
>>இலங்கை வரும் இந்திய டெஸ்ட் அணி; போட்டி அட்டவணை வெளியீடு<<
பின்னர் போட்டியில் தமது முதல் இன்னிங்ஸ் ஆட்டத்தினை மந்த கதியில் ஆரம்பித்திருந்த மேற்கிந்திய தீவுகள் இரண்டாம் நாள் ஆட்டநிறைவில் 58 ஓட்டங்களுக்கு ஒரு விக்கெட்டினை இழந்து காணப்படுகின்றது.
இலங்கையை விட 491 ஓட்டங்களால் பின்தங்கி காணப்படும் மேற்கிந்திய தீவுகள் தரப்பின் துடுப்பாட்டத்தில் ஜோன் கெம்பல் 31 ஓட்டங்களுடனும், கவேம் ஹொட்கே 06 ஓட்டங்களுடனும் ஆட்டமிழக்காதிருந்து நம்பிக்கை தருகின்றனர். மேற்கிந்திய தீவுகள் அணியில் பறிபோயிருந்த முதல் விக்கெட்டினை இலங்கை அணிக்காக அசித பெர்னாண்டோ கைப்பற்றியிருந்தார்.
போட்டியின் சுருக்கம்
Stumps
| Batsmen | R | B | 4s | 6s | SR | |
|---|---|---|---|---|---|---|
| Nishan Madushka | c Brandon King b Shamar Joseph | 6 | 11 | 1 | 0 | 54.55 |
| Lahiru Udara | c Shamar Joseph b Alzarri Joseph | 188 | 248 | 21 | 5 | 75.81 |
| Dinesh Chandimal | c Brandon King b Shamar Joseph | 1 | 15 | 0 | 0 | 6.67 |
| Kamindu Mendis | st Shai Hope b Justin Greaves | 84 | 120 | 11 | 0 | 70.00 |
| Dhananjaya de Silva | c John Campbell b Jayden Seales | 33 | 90 | 2 | 0 | 36.67 |
| Kusal Mendis | b Anderson Phillip | 69 | 115 | 8 | 3 | 60.00 |
| Sonal Dinusha | c Brandon King b Kavem Hodge | 92 | 166 | 12 | 0 | 55.42 |
| Milan Rathnayake | c Justin Greaves b Roston Chase | 15 | 43 | 0 | 0 | 34.88 |
| Prabath Jayasuriya | not out | 17 | 22 | 1 | 0 | 77.27 |
| Isitha Wijesundara | c John Campbell b Jayden Seales | 14 | 14 | 1 | 1 | 100.00 |
| Extras | 30 (b 1 , lb 14 , nb 7, w 8, pen 0) |
| Total | 549/9 (139.3 Overs, RR: 3.94) |
| Bowling | O | M | R | W | Econ | |
|---|---|---|---|---|---|---|
| Jayden Seales | 25.3 | 5 | 98 | 2 | 3.87 | |
| Shamar Joseph | 23 | 4 | 98 | 2 | 4.26 | |
| Alzarri Joseph | 21 | 4 | 98 | 1 | 4.67 | |
| Anderson Phillip | 19 | 0 | 72 | 1 | 3.79 | |
| Justin Greaves | 18 | 2 | 43 | 1 | 2.39 | |
| Roston Chase | 29 | 2 | 99 | 1 | 3.41 | |
| Kavem Hodge | 4 | 0 | 26 | 1 | 6.50 | |
| Batsmen | R | B | 4s | 6s | SR | |
|---|---|---|---|---|---|---|
| John Campbell | c Dinesh Chandimal b Asitha Fernando | 72 | 154 | 9 | 2 | 46.75 |
| Brandon King | c Kamindu Mendis b Asitha Fernando | 17 | 26 | 3 | 0 | 65.38 |
| Kavem Hodge | c Kamindu Mendis b Prabath Jayasuriya | 31 | 139 | 2 | 0 | 22.30 |
| Amir Jangoo | c Nishan Madushka b Prabath Jayasuriya | 9 | 15 | 1 | 0 | 60.00 |
| Shai Hope | not out | 86 | 173 | 9 | 0 | 49.71 |
| Justin Greaves | not out | 85 | 162 | 10 | 0 | 52.47 |
| Extras | 18 (b 8 , lb 1 , nb 3, w 6, pen 0) |
| Total | 318/4 (111 Overs, RR: 2.86) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 25 | 3 | 74 | 2 | 2.96 | |
| Isitha Wijesundara | 25 | 2 | 90 | 0 | 3.60 | |
| Milan Rathnayake | 19 | 4 | 49 | 0 | 2.58 | |
| Prabath Jayasuriya | 36 | 6 | 77 | 2 | 2.14 | |
| Dhananjaya de Silva | 2 | 1 | 3 | 0 | 1.50 | |
| Sonal Dinusha | 4 | 0 | 16 | 0 | 4.00 | |
>>மேலும் கிரிக்கெட் செய்திகளைப் படிக்க<<
