அவுஸ்திரேலியாவில் நடைபெற்று வரும் மகளிருக்கான இளையோர் முக்கோணத் ஒருநாள் தொடரின் மூன்றாவது போட்டியில், அவுஸ்திரேலிய 19 வயதுக்குட்பட்ட மகளிர் அணி ஒரு விக்கெட்டினால் இலங்கை அணியை வீழ்த்தி த்ரில் வெற்றியைப் பதிவு செய்துள்ளது.
பிறிஸ்பேனில் உள்ள இயன் ஹீலி ஓவல் மைதானத்தில் இன்று (08) நடைபெற்ற இப்போட்டியில் நாணய சுழற்சியில் வென்று முதலில் துடுப்பெடுத்தாடிய இலங்கை 19 வயதுக்குட்பட்ட மகளிர் அணி 49.3 ஓவர்களில் அனைத்து விக்கெட்டுகளையும் இழந்து 174 ஓட்டங்களைப் பெற்றது. துடுப்பாட்டத்தில் அதிகபட்சமாக விமோக்ஷா பாலசூரிய 55 பந்துகளில் 25 ஓட்டங்களையும், உமயங்கனா பீரிஸ் 25 பந்துகளில் 20 ஓட்டங்களையும் பெற்றனர்.
அவுஸ்திரேலிய அணி சார்பாகப் பந்துவீச்சில் மியா பார்விக் 22 ஓட்டங்களுக்கு 3 விக்கெட்டுகளையும், ஐரா ஏரி 29 ஓட்டங்களுக்கு 2 விக்கெட்டுகளையும் வீழ்த்தினர்.
- ஏப்ரலில் ஆஸி. செல்லும் இலங்கை U19 மகளிர் கிரிக்கெட் அணி
- இலங்கை இளையோர் மகளிர் அணியை வழிநடத்தும் சமோதி
- சகலதுறையிலும் பிரகாசித்த இலங்கை 19 வயதின் கீழ் மகளிர் அணிக்கு முதல் வெற்றி
175 ஓட்டங்கள் என்ற இலக்கை நோக்கிப் பதிலுக்குத் துடுப்பெடுத்தாடிய அவுஸ்திரேலிய 19 வயதுக்குட்பட்ட மகளிர் அணி, 43.1 ஓவர்களில் 9 விக்கெட்டுகளை இழந்து வெற்றியை எட்டியது. அவுஸ்திரேலிய அணி சார்பாக இந்திரா பனெல்லி சிறப்பான ஆட்டத்தை வெளிப்படுத்தி 81 பந்துகளில் 59 ஓட்டங்களைக் குவித்தார். இறுதிவரை களத்தில் இருந்த அலீசா டெர்மோடி ஆட்டமிழக்காமல் 37 ஓட்டங்களைப் பெற்று அணியின் வெற்றியை உறுதி செய்தார்.
இலங்கை அணி சார்பாகப் பந்துவீச்சில் அசேனி தலகுனே மிகச்சிறந்த திறமையை வெளிப்படுத்தி 42 ஓட்டங்களுக்கு 5 விக்கெட்டுகளைக் கைப்பற்றினார். அவருக்குப் பக்கபலமாக இருந்த நெத்மி உபேக்ஷா 5 ஓட்டங்களுக்கு 3 விக்கெட்டுகளை வீழ்த்தி அவுஸ்திரேலிய 19 வயதுக்குட்பட்ட மகளிர் அணிக்கு கடும் நெருக்கடியைக் கொடுத்த போதிலும், அவுஸ்திரேலிய அணி போராடி ஒரு விக்கெட்டினால் வெற்றியீட்டியது.
போட்டியின்சுருக்கம்
இலங்கைமகளிர்U19 அணி – 174/10 (49.3) விமோக்ஷாபாலசூரிய 25, உமயங்கனாபீரிஸ் 20, மியாபார்விக் 3/22
அவுஸ்திரேலியமகளிர்U19 அணி– 175/9 (43.1 ஓவர்கள்) இந்திராபனெல்லி 59, அலீசாடெர்மோடி 37, அசேனிதலகுனே 5/42
முடிவு:அவுஸ்திரேலியா 19 வயதுக்குட்பட்டமகளிர்அணிஒருவிக்கெட்டினால்வெற்றி
>>மேலும் கிரிக்கெட் செய்திகளைப் படிக்க<<
