இலங்கை கிரிக்கெட் தேர்வுக் குழுவினர், பாகிஸ்தான் முத்தரப்பு T20I தொடருக்கான இலங்கை குழாத்தில் இளம் சுழற்பந்துவீச்சாளர் வியஜயகாந்த் வியாஸ்காந்தை இணைத்துள்ளதாக தெரிவித்துள்ளனர்.
மேற்கிந்திய தீவுகள் ஒருநாள் தொடரிலிருந்து விலகும் டேரைல் மிச்செல்
அந்தவகையில் தற்போது கட்டாரில் ரைசிங் ஸ்டார்ஸ் ஆசியக் கிண்ண தொடரில் இலங்கை A அணிக்காக விளையாடி வரும் வியாஸ்காந்த் அங்கிருந்து நேரடியாக, பாகிஸ்தான் சென்று இலங்கை T20I அணியில் இணைய உள்ளார்.
பாகிஸ்தான் உடனான ஒருநாள் தொடரில் வனிந்து ஹசரங்க தசை உபாதைக்கு முகம் கொடுத்து அது முற்றிலும் குணமாவில்லை என்பதனால் அவரின் பிரதியீடாகவே வியஸ்காந்த் இலங்கை அணியில் இணைக்கப்பட்டுள்ளதாவும் தெரிவிக்கப்படுகின்றது. முன்னதாக வியாஸ்காந்த் 2023 ஆசிய விளையாட்டுப் போட்டிகளில், ஒரு T20i போட்டியில் இலங்கையைப் பிரதிநிதித்துவம் செய்திருக்கின்றமை குறிப்பிடத்தக்கது.
அதேநேரம் இலங்கை பாகிஸ்தான் முத்தரப்பு T20i தொடரில் தமது முதல் போட்டியை நவம்பர் 20ஆம் திகதி ராவல்பிண்டியில் ஜிம்பாப்வே அணிக்கெதிராக விளையாடவிருகின்றமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
