ThePapare.com |  Waruna Lakmal | 29/06/2026 | Editing and re-using images without permission of ThePapare.com...

2026 පාපන්දු ලෝක කුසලානයේ මූලික වටයේ තරග සියල්ල ඊයේ (28) දිනයෙන් නිමාවට පත් වුනා.  මෙවර ලෝක කුසලාන තරගාවලිය සඳහා කණ්ඩායම් 48ක්...

10 වැනි කාන්තා විස්සයි විස්ස ලෝක කුසලාන ක්‍රිකට් තරගාවලියේ පළමු වටයේ තරග පෙර දින (28) රාත්‍රියේ අවසන් වූ අතර එහි දී තරගාවලියේ...

சுற்றுலா மேற்கிந்திய தீவுகள் மற்றும் இலங்கை கிரிக்கெட் அணிகள் இடையிலான முதல் டெஸ்ட் போட்டியில், மேற்கிந்திய தீவுகள் அணியானது இன்னிங்ஸ் மற்றும் 217 ஓட்டங்களால் அபார வெற்றியினை பதிவு செய்துள்ளது.  சாதனை இணைப்பாட்டத்துடன் முதல் டெஸ்டில் பலம்பெற்றுள்ள மேற்கிந்திய தீவுகள் அன்டிகுவாவில் நடைபெறும் இந்த டெஸ்ட் போட்டியில் மூன்றாம் நாள் ஆட்டம் நேற்று (27) நிறைவடையும் போது மேற்கிந்திய தீவுகளின் முதல் இன்னிங்ஸ் துடுப்பாட்டத்தினை அடுத்து 318 ஓட்டங்கள் பின்தங்கியவாறு இரண்டாம் இன்னிங்ஸ் ஆட்டத்தினை ஆரம்பித்த இலங்கை அணியானது 15 ஓட்டங்களுக்கு ஒரு விக்கெட்டினை இழந்து காணப்பட்டிருந்தது.  நேற்று களத்தில் நின்ற நிஷான் மதுஷ்க 02 ஓட்டங்களுடனும், Night Watchman வீரராக வந்த கசுன் ராஜித 04 ஓட்டங்களுடனும் காணப்பட்டனர்.   இலங்கை அணிக்கு இன்னிங்ஸ் தோல்வியைத் தவிர்க்க இன்னும் 303 ஓட்டங்கள் தேவைப்பட இரண்டாம் இன்னிங்ஸ் துடுப்பாட்டத்தை  நான்காம் நாளில் தொடர்ந்தது. தொடக்கத்தில் இருந்தே போட்டியில் துடுப்பாட தடுமாறிய இலங்கை வீரர்கள் மிகவும் குறைந்த ஓட்டங்களுடன் ஆட்டமிழந்து ஓய்வறை நடந்தனர்.  இறுதியில் 31.2 ஓவர்கள் நிறைவில் அனைத்து விக்கெட்டுக்களையும் இழந்த இலங்கை வீரர்கள் வெறும் 101 ஓட்டங்கள் பெற்று போட்டியில் படுதோல்வி அடைந்தனர்.  இலங்கை அணியின் துடுப்பாட்டம் சார்பில் தினேஷ் சந்திமால் அதிகமாக 43 ஓட்டங்கள் எடுக்க, அடுத்த இரு இலக்க ஓட்டங்களை பெற்ற வீரராக சொனால் தினுஷ (12) மாறினார்.  மேற்கிந்திய தீவுகள் பந்துவீச்சில் கெமர் ரோச் 51 ஓட்டங்களுக்கு 4 விக்கெட்டுக்களைச் சாய்க்க, ஜய்டன் சீல்ஸ் 3 விக்கெட்டுக்களை கைப்பற்றினார். அத்துடன் ஷாமர் ஜோசேப் 2 விக்கெட்டுக்களை எடுத்திருந்தார்.  போட்டியின் ஆட்டநாயகன் விருதை இப்போட்டியில் அபார இரட்டைச் சதம் விளாசிய அமீர் ஜங்கூ பெற்றார். இப்போட்டியின் வெற்றியோடு மேற்கிந்திய தீவுகள் இந்த டெஸ்ட் தொடரில் 1-0 என முன்னிலை அடைந்திருக்க, தமது இறுதி 8 டெஸ்ட் போட்டிகளில் முதல் வெற்றியினையும் பதிவு செய்துள்ளது.  போட்டியின் சுருக்கம்   $contents = file_get_contents("https://stats.thepapare.com/cricket/embed/match_result/west-indies-vs-sri-lanka-sri-lanka-tour-of-west-indies-1st-test"); echo...