Adam Gauder Archives

2026ஆம் ஆண்டு இந்திய பிரீமியர் லீக் (IPL) தொடரிற்கான ராஜஸ்தான் ரோயல்ஸ் அணிக்குழாத்தில் இலங்கை T20 அணியின் தலைவர் தசுன் ஷானக்க இணைந்துள்ளதாக தெரிவிக்கப்பட்டுள்ளது. சன்ரைஸர்ஸ் ஹைதராபாத் அணியின் தலைவராக இஷான் கிஷன் ராஜஸ்தான் ரோயல்ஸ் அணியில் வீரர் மாற்றீடு (Players Trade) அடிப்படையில் ஒப்பந்தம் செய்யப்பட்டிருந்த இளம் சகலதுறைவீரரான சேம் கர்ரண், தொடைத் தசை உபாதை காரணமாக இந்த ஆண்டு IPL தொடரிலிருந்து விலகிய நிலையில் அவரின் பிரதியீட்டு வீரராகவே இலங்கை அணியின் அனுபவமிக்க சகலதுறை வீரரான தசுன் ஷானக்கவிற்கு ராஜஸ்தான் ரோயல்ஸ் குழாத்தில் வாய்ப்பு வழங்கப்பட்டுள்ளது. சேம் கர்ரணின் இழப்பு ராஜஸ்தான் அணிக்கு ஒரு பின்னடைவாகக் கருதப்பட்டாலும், ஷானக்கவின் வருகை அந்த இடத்தை சரியாக நிரப்பும் என்று எதிர்பார்க்கப்படுகிறது. ஏற்கனவே IPL தொடரில் குஜராத் டைடன்ஸ் அணிக்காக விளையாடிய தசுன் ஷானக்க நடைபெற்று முடிந்த T20 உலகக் கிண்ணத் தொடரில் ஓமான், பாகிஸ்தான் போன்ற அணிகளுக்கு எதிராக அதிரடி துடுப்பாட்டத்தை வெளிப்படுத்தியிருந்தமை குறிப்பிடத்தக்கது. அதேவேளை ராஜஸ்தான் ரோயல்ஸ் அணி புதிய பருவத்திற்கான IPL தொடரில் தமது முதல் போட்டியில் சென்னை சுப்பர் கிங்ஸ் அணியை மார்ச் 30ஆம் திகதி குவஹாட்டியில் வைத்து எதிர்கொள்கின்றமை குறிப்பிடத்தக்கது. >>மேலும் கிரிக்கெட் செய்திகளைப் படிக்க<<

23/03/2026