நேற்று (28) திருவானந்தபுரத்தில் இடம்பெற்று முடிந்த இலங்கை மற்றும் இந்திய மகளிர் அணிகளுக்கு இடையிலான T20I தொடரின் நான்காவது போட்டியில் இந்தியா 30 ஓட்டங்களால் வெற்றியினைப் பதிவு செய்துள்ளது.
தம்மிக பிரசாத்துக்கு அமெரிக்க கிரிக்கெட்டில் முக்கிய பதவி
அதேநேரம் இந்த வெற்றியுடன் இந்தியா இந்த தொடரில் நான்காவது தொடர் வெற்றியைப் பதிவு செய்ய, இலங்கை மகளிருக்கு தொடரில் இது நான்காவது தொடர் தோல்வியாக மாறியுள்ளது.
இந்தியாவிற்கு சுற்றுப்பயணம் மேற்கொண்டுள்ள இலங்கை மகளிர் கிரிக்கெட் அணியானது அங்கே ஐந்து போட்டிகள் கொண்ட T20I தொடரில் ஆடுகின்றது. இந்த நிலையில் தொடரின் முதல் மூன்று போட்டிகளிலும் இலங்கை தோல்வியினைத் தழுவிய நிலையில், தொடரின் நான்காவது போட்டி ஆரம்பமானது.
போட்டியில் நாணய சுழற்சியில் வென்று பந்துவீச்சைத் தெரிவு செய்த இலங்கை மகளிர் அணி, இந்தியாவை முதலில் துடுப்பாடப் பணித்தது.
அதன்படி முதலில் துடுப்பாடிய இந்திய வீராங்கனைகள் ஷெபாலி வெர்மா, ஸ்மிருதி மந்தனா ஆகியோர் மூலம் அதிரடியாக மிகச் சிறந்த ஆரம்பம் பெற்றதோடு, 20 ஓவர்களில் 2 விக்கெட்டுக்களை இழந்து 221 ஓட்டங்கள் எடுத்தனர்.
இந்திய மகளிர் அணியின் துடுப்பாட்டம் சார்பில் ஷெபாலி வெர்மா 46 பந்துகளில் 12 பெளண்டரிகள் ஒரு சிக்ஸர் அடங்கலாக 79 ஓட்டங்கள் பெற்று இந்த தொடரில் தன்னுடைய தொடர்ச்சியான மூன்றாவது அரைச்சதம் பெற்றார். மறுமுனையில் மந்தனா 48 பந்துகளில் 11 பெளண்டரிகள் மற்றும் 3 சிக்ஸர்கள் அடங்கலாக 80 ஓட்டங்கள் விளாசினார்.
இலங்கை மகளிர் அணியின் பந்துவீச்சு சார்பில் மல்ஷா செஹானி மற்றும் நிமாஷா மதுசானி தலா ஒரு விக்கெட் வீதம் சாய்த்தனர்.
பின்னர் 222 ஓட்டங்கள் என்கிற சவால்மிக்க போட்டியின் வெற்றி இலக்கினை நோக்கி துடுப்பாடிய இலங்கை மகளிர் அணிக்கு சாமரி அத்தபத்து, ஹாசினி பெரேரா சிறந்த ஆரம்பம் வழங்கினர்.
எனினும் இவர்களது விக்கெட்டுக்களை அடுத்து தடுமாறிய இலங்கை மகளிர் அணி 20 ஓவர்கள் நிறைவில் 6 விக்கெட்டுக்களை இழந்து 191 ஓட்டங்களுடன் போட்டியில் தோல்வியை தழுவியது.
இலங்கை மகளிர் அணியின் துடுப்பாட்டத்தில் சாமரி அத்தபத்து 37 பந்துகளில் 3 சிக்ஸர்கள் மற்றும் 3 பெளண்டரிகள் அடங்கலாக 52 ஓட்டங்கள் எடுக்க, ஹாசினி பெரேரா 30 ஓட்டங்கள் எடுத்தமை சுட்டிக்காட்டத்தக்கது.
இந்திய மகளிர் அணியின் பந்துவீச்சில் அருந்ததி ரெட்டி மற்றும் வைஷ்னவி ஷர்மா ஆகிய இருவரும் தலா 2 விக்கெட்டுக்கள் வீதம் சாய்த்தனர்.
போட்டியின் ஆட்டநாயகியாக ஸ்மிருதி மந்தனா அவரது சிறந்த துடுப்பாட்டத்திற்காக தெரிவு செய்யப்பட்டார்.
ஸ்கோர் விபரம்
Result
| Batsmen | R | B | 4s | 6s | SR | |
|---|---|---|---|---|---|---|
| Smriti Mandhana | c Imesha Dulani b Malsha Shehani | 80 | 48 | 11 | 3 | 166.67 |
| Shafali Verma | c & b Nimasha Meepage | 79 | 46 | 12 | 1 | 171.74 |
| Richa Ghosh | not out | 40 | 16 | 4 | 3 | 250.00 |
| Harmanpreet Kaur | not out | 16 | 10 | 1 | 1 | 160.00 |
| Extras | 6 (b 0 , lb 4 , nb 0, w 2, pen 0) |
| Total | 221/2 (20 Overs, RR: 11.05) |
| Bowling | O | M | R | W | Econ | |
|---|---|---|---|---|---|---|
| Malsha Shehani | 4 | 0 | 32 | 1 | 8.00 | |
| Kawya Kavindi | 4 | 0 | 43 | 0 | 10.75 | |
| Kavisha Dilhari | 4 | 0 | 47 | 0 | 11.75 | |
| Rashmika Sewwandi | 2 | 0 | 25 | 0 | 12.50 | |
| Chamari Athapaththu | 2 | 0 | 30 | 0 | 15.00 | |
| Nimasha Meepage | 4 | 0 | 40 | 1 | 10.00 | |
| Batsmen | R | B | 4s | 6s | SR | |
|---|---|---|---|---|---|---|
| Hasini Perera | c Harmanpreet Kaur b Arundhati Reddy | 33 | 20 | 7 | 0 | 165.00 |
| Chamari Athapaththu | c Smriti Mandhana b Vaishnavi Sharma | 52 | 37 | 3 | 3 | 140.54 |
| Imesha Dulani | run out (Amanjot Kaur) | 29 | 28 | 3 | 0 | 103.57 |
| Harshitha Samarawickrama | st Richa Ghosh b Vaishnavi Sharma | 20 | 13 | 1 | 1 | 153.85 |
| Kavisha Dilhari | c Gunalan Kamalini b Arundhati Reddy | 13 | 8 | 1 | 0 | 162.50 |
| Nilakshi de Silva | not out | 23 | 11 | 4 | 0 | 209.09 |
| Rashmika Sewwandi | b Shree Charani | 5 | 4 | 1 | 0 | 125.00 |
| Kaushani Nuthyangana | not out | 5 | 2 | 1 | 0 | 250.00 |
| Extras | 11 (b 5 , lb 1 , nb 3, w 2, pen 0) |
| Total | 191/6 (20 Overs, RR: 9.55) |
| Bowling | O | M | R | W | Econ | |
|---|---|---|---|---|---|---|
| Renuka Singh | 3 | 0 | 32 | 0 | 10.67 | |
| Arundhati Reddy | 4 | 0 | 42 | 2 | 10.50 | |
| Deepti Sharma | 4 | 0 | 31 | 0 | 7.75 | |
| Vaishnavi Sharma | 4 | 0 | 24 | 2 | 6.00 | |
| Amanjot Kaur | 1 | 0 | 10 | 0 | 10.00 | |
| Shree Charani | 4 | 0 | 46 | 1 | 11.50 | |
>>மேலும் கிரிக்கெட் செய்திகளைப் படிக்க<<
 திருவானந்தபுரத்தில் இடம்பெற்று முடிந்த இலங்கை மற்றும் இந்திய மகளிர் அணிகளுக்கு இடையிலான T20I தொடரின் நான்காவது போட்டியில் இந்தியா 30 ஓட்டங்களால் வெற்றியினைப் பதிவு செய்துள்ளது.){kind=link}