திட்வா புயலினால் பாதிக்கப்பட்ட இலங்கை நாட்டினை மீளக்கட்டியெழுப்பும் அரசின், “Rebuild Sri Lanka” நிகழ்ச்சித்திட்டத்திற்காக இலங்கை – பாகிஸ்தான் T20 தொடரில் கிடைக்கும் இலாபம் பயன்படுத்தப்படும் என இலங்கை கிரிக்கெட் சபை (SLC) தெரிவித்துள்ளது.
>>T20 தொடரில் முழுமையாக வைட்வொஷ் செய்யப்பட்ட இலங்கை மகளிர்
திட்வா புயலினால் ஏற்பட்ட பேரழிவைத் தொடர்ந்து, அரசாங்கத்தின் மறுசீரமைப்பு மற்றும் புனர்வாழ்வு நடவடிக்கைகளுக்கு ஒத்துழைப்பு வழங்கும் வகையில் இலங்கை கிரிக்கெட் சபை தலைவர் ஷம்மி சில்வா தலைமையிலான செயற்குழு இந்த முடிவை எடுத்துள்ளது.
அதன்படி பாகிஸ்தான் – இலங்கை அணிகள் இடையிலான மூன்று போட்டிகள் கொண்ட T20 தொடர் வாயிலாக ஈட்டப்படும் முழு லாபமும் அரசாங்கத்தின் Rebuild Sri Lanka திட்டத்திற்காக நன்கொடையாக வழங்கப்படும் என அறிவிக்கப்பட்டுள்ளது.
அத்துடன், நிகழ்ச்சித்திட்டம் குறித்த விழிப்புணர்வை பொதுமக்களிடையே ஏற்படுத்துவதற்காக தொடர் முழுவதும் பல்வேறு நடவடிக்கைகள் முன்னெடுக்கப்படவுள்ளதாகவும் கூறப்பட்டுள்ளது.
இதற்கு மேலதிகமாக உலகளாவிய ரீதியில் இலங்கையை விளம்பரப்படுத்தும் நோக்கில் போட்டிகள் நடைபெறும் மைதானங்களில் #VisitSriLanka என்ற Hashtag உம் பயன்படுத்தப்படும் என சுட்டிக்காட்டப்பட்டுள்ளது.
இரு நாடுகளுக்கும் இடையிலான மூன்று போட்டிகள் கொண்ட T20I தொடர் ஜனவரி மாதம் 7, 9 மற்றும் 11 ஆகிய திகதிகளில் நடைபெறவுள்ளது.
 தெரிவித்துள்ளது.){kind=link}