இலங்கை மற்றும் இங்கிலாந்து அணிகளுக்கு இடையிலான மூன்றாவதும் இறுதியுமான T20I போட்டியில் இங்கிலாந்து 12 ஓட்டங்களால் த்ரில் வெற்றியினைப் பதிவு செய்திருப்பதோடு, மூன்று போட்டிகள் கொண்ட தொடரினையும் 3-0 என முழுமையாகக் கைப்பற்றி இலங்கையை வைட்வொஷ் செய்துள்ளது.
>>T20 உலகக் கிண்ணத்துக்கான டிக்கெட் விற்பனை நிலையங்கள் திறப்பு<<
ஏற்கனவே நடைபெற்ற T20 தொடரின் முதல் இரண்டு போட்டிகளிலும் வெற்றி பெற்று தொடரை இங்கிலாந்து அணி உறுதி செய்திருந்த நிலையில், T20 தொடரின் மூன்றாவதும் இறுதியுமான போட்டி கண்டி பல்லேகல சர்வதேச மைதானத்தில் செவ்வாய்க்கிழமை (03) நடைபெற்றது.
போட்டியின் நாணய சுழற்சியில் வென்ற இங்கிலாந்து அணியின் தலைவர் ஹர்ரி புரூக் முதலில் துடுப்பாடத் தீர்மானித்தார். இந்தப் போட்டியில் ஆறுதல் வெற்றியினை எதிர்பார்த்த இலங்கை அணி கமிந்து மெண்டிஸ் மற்றும் துஷ்மந்த சமீர ஆகியோரை அணியில் இணைத்திருந்தது.
இலங்கை XI:
பெதும் நிஸ்ஸங்க, கமில் மிஷார, குசல் மெண்டிஸ், பவன் ரத்நாயக்க, கமிந்து மெண்டிஸ், தசுன் ஷானக்க (தலைவர்), ஜனித் லியனகே, துனித் வெல்லாலகே, மகீஷ் தீக்ஸன, துஷ்மன்த சமீர, மதீஷ பத்திரண.
பின்னர் போட்டியில் நாணய சுழற்சிக்கு அமைய முதலில் துடுப்பாடிய இங்கிலாந்து அணிக்கு இலங்கை வேகப்பந்து வீச்சாளர் துஷ்மன்த சமீர கடும் சவாலாக அமைந்தார். ஆரம்ப வீரர் பென் டக்கெட் ஓட்டமேதுமின்றி சமீரவின் பந்துவீச்சில் ஆட்டமிழக்க, ஜேக்கப் பெத்தேல், டொம் பென்டன் மற்றும் தலைவர் ஹர்ரி புரூக் ஆகியோரும் சொதப்பி இங்கிலாந்து ஒரு கட்டத்தில் 47 ஓட்டங்களுக்கு 5 விக்கெட்டுகளை இழந்து இக்கட்டான நிலைக்குத் தள்ளப்பட்டது.
இருப்பினும், அனுபவ வீரர் ஜோஸ் பட்லர் மற்றும் சேம் கர்ரன் ஆகியோர் அணியை மீட்டெடுத்தனர். இதனால் இங்கிலாந்து அணி 20 ஓவர்கள் நிறைவில் 9 விக்கெட்டுகளை இழந்து 128 ஓட்டங்களை பெற்றுக்கொண்டது. இங்கிலாந்து சார்பில் சேம் கர்ரன் 48 பந்துகளில் ஒரு சிக்ஸர் மற்றும் 6 பௌண்டரிகள் அடங்கலாக 58 ஓட்டங்கள் பெற்றார். பட்லர் 25 ஓட்டங்கள் எடுத்தார்.
இலங்கை அணியின் பந்துவீச்சு சார்பில் அபாரமாகப் பந்துவீசிய துஷ்மன்த சமீர 24 ஓட்டங்களுக்கு 5 விக்கெட்டுகளைக் கைப்பற்றினார். அதேநேரம் மதீஷ பதிரண 2 விக்கெட்டுகளை சுருட்டியிருந்தார்.
பின்னர் 129 என்ற எளிய வெற்றி இலக்கை நோக்கிப் பதிலுக்குத் துடுப்பாடிய இலங்கை அணிக்கு ஆரம்பமே அதிர்ச்சியாக அமைந்தது. கமில் மிஷார ஓட்டமேதுமின்றி ஆட்டமிழந்தார். பெதும் நிஸ்ஸங்க 12 பந்துகளில் 23 ஓட்டங்களைப் பெற்று நம்பிக்கை தந்த போதிலும் ஆட்டமிழந்தார். மத்திய வரிசையில் குசல் மெண்டிஸ் நிதானமாக ஆடி 26 ஓட்டங்களைப் பெற்றார்.
>>பிரிமா KottuMee இன் விளம்பர தூதுவராக ஒப்பந்தமாகும் பெதும் நிஸ்ஸங்க ஒப்பந்தம்<<
இதனால் ஒரு கட்டத்தில் இலங்கை அணி 62 ஓட்டங்களுக்கு 2 விக்கெட்டுகளை இழந்து பலமான நிலையில் காணப்பட்டிருந்தது. ஆனால் இதன் பின்னர் இங்கிலாந்து சுழற்பந்து வீச்சாளர்களின் அபார பந்துவீச்சால் விக்கெட்டுக்களை மிகவும் குறுகிய இடைவெளிகளில் பறிகொடுத்த இலங்கை வீரர்கள் 19.3 ஓவர்களில் அனைத்து விக்கெட்டுகளையும் இழந்து 116 ஓட்டங்களை மாத்திரம் பெற்று 12 ஓட்டங்களால் போட்டியில் படுதோல்வி அடைந்தனர்.
இங்கிலாந்து பந்துவீச்சில் இலங்கையினை இறுதிக்கட்டத்தில் நிர்மூலம் செய்த ஜேக்கப் பெத்தேல் 11 ஓட்டங்களுக்கு 4 விக்கெட்டுகளையும், வில் ஜேக்ஸ் 14 ஓட்டங்களுக்கு 3 விக்கெட்டுகளையும் வீழ்த்தி அணியின் வெற்றிக்கு வித்திட்டனர். போட்டியின் ஆட்டநாயகனாகவும், தொடர் நாயகனாகவும் சேம் கர்ரன் தெரிவாகியிருந்தார்.
Result
| Batsmen | R | B | 4s | 6s | SR | |
|---|---|---|---|---|---|---|
| Jos Buttler | b Maheesh Theekshana | 25 | 21 | 2 | 1 | 119.05 |
| Ben Duckett | lbw b Dushmantha Chameera | 0 | 1 | 0 | 0 | 0.00 |
| Jacob Bethell | c Kusal Mendis b Pathum Nissanka | 3 | 7 | 0 | 0 | 42.86 |
| Tom Banton | b Dunith Wellalage | 7 | 7 | 1 | 0 | 100.00 |
| Harry Brook | c Janith Liyanage b Matheesha Pathirana | 4 | 3 | 1 | 0 | 133.33 |
| Sam Curran | c Pathum Nissanka b Dushmantha Chameera | 58 | 48 | 5 | 1 | 120.83 |
| Will Jacks | c Pathum Nissanka b Dushmantha Chameera | 3 | 4 | 0 | 0 | 75.00 |
| Liam Dawson, | c Kamindu Mendis b Dushmantha Chameera | 14 | 20 | 1 | 0 | 70.00 |
| Jamie Overton | c Janith Liyanage b Dushmantha Chameera | 2 | 3 | 0 | 0 | 66.67 |
| Adil Rashid | not out | 7 | 5 | 1 | 0 | 140.00 |
| Luke Wood | not out | 1 | 1 | 0 | 0 | 100.00 |
| Extras | 4 (b 0 , lb 1 , nb 0, w 3, pen 0) |
| Total | 128/9 (20 Overs, RR: 6.4) |
| Bowling | O | M | R | W | Econ | |
|---|---|---|---|---|---|---|
| Dushmantha Chameera | 4 | 0 | 24 | 5 | 6.00 | |
| Dasun Shanaka | 3 | 0 | 23 | 0 | 7.67 | |
| Matheesha Pathirana | 4 | 0 | 27 | 2 | 6.75 | |
| Dunith Wellalage | 4 | 0 | 28 | 1 | 7.00 | |
| Maheesh Theekshana | 4 | 0 | 16 | 1 | 4.00 | |
| Kamindu Mendis | 1 | 0 | 9 | 0 | 9.00 | |
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Will Jacks b Liam Dawson, | 23 | 12 | 0 | 3 | 191.67 |
| Kamil Mishara | c Ben Duckett b Luke Wood | 0 | 2 | 0 | 0 | 0.00 |
| Kusal Mendis | c Adil Rashid b Will Jacks | 26 | 26 | 4 | 0 | 100.00 |
| Pavan Rathnayake | b Adil Rashid | 13 | 15 | 1 | 0 | 86.67 |
| Kamindu Mendis | lbw b | 14 | 11 | 0 | 1 | 127.27 |
| Janith Liyanage | c & b | 17 | 19 | 2 | 0 | 89.47 |
| Dunith Wellalage | c Jos Buttler b Jacob Bethell | 9 | 14 | 1 | 0 | 64.29 |
| Dasun Shanaka | st Jos Buttler b Jacob Bethell | 4 | 6 | 0 | 0 | 66.67 |
| Dushmantha Chameera | c Harry Brook b Jacob Bethell | 0 | 2 | 0 | 0 | 0.00 |
| Mahesh Theekshana | c Liam Dawson, b Jacob Bethell | 2 | 5 | 0 | 0 | 40.00 |
| Matheesha Pathirana | not out | 2 | 1 | 0 | 0 | 200.00 |
| Extras | 6 (b 4 , lb 1 , nb 0, w 1, pen 0) |
| Total | 116/10 (19.3 Overs, RR: 5.95) |
| Bowling | O | M | R | W | Econ | |
|---|---|---|---|---|---|---|
| Luke Wood | 2 | 0 | 13 | 1 | 6.50 | |
| Liam Dawson, | 4 | 0 | 25 | 1 | 6.25 | |
| Jamie Overton | 1 | 0 | 14 | 0 | 14.00 | |
| Sam Curran | 1 | 0 | 9 | 0 | 9.00 | |
| Adil Rashid | 4 | 0 | 25 | 1 | 6.25 | |
| Jacob Bethell | 3.3 | 0 | 11 | 4 | 3.33 | |
| Will Jacks | 4 | 0 | 14 | 3 | 3.50 | |
>>மேலும் கிரிக்கெட் செய்திகளைப் படிக்க<<
