ப்ளூ ஈகல்ஸை வீழ்த்தி புள்ளிப்பட்டியலில் முன்னேறிய ரெட் ஸ்டார்

சுப்பர் லீக் தொடரில் நேற்று (25) நடைபெற்ற ப்ளூ ஈகல்ஸ் அணிக்கு எதிரான போட்டியில் 1-0 என்ற கோல் கணக்கில் ரெட் ஸ்டார் அணி வெற்றியினை பதிவுசெய்தது. 

போட்டியின் முதல் பாதியினை பொருத்தவரை இரண்டு அணிகளுக்கும் கோலடிக்கும் வாய்ப்புகள் அதிகமாக கிடைக்கவில்லை. குறிப்பாக ப்ளூ ஈகல்ஸ் அணியை பொருத்தவரை அவர்களுடைய முன்கள வீரர்கள் சரியாக செயற்படவில்லை. 

நியூவ் யங்ஸை 6-0 என வீழ்த்திய அப் கண்ட்ரி லயன்ஸ்!

ரெட் ஸ்டார் அணியை பொருத்தவரை ஆட்டத்தின் 23ஆவது நிமிடத்தில் அணித்தலைவர் சமோத் டில்சான் மத்தியக்களத்திலிருந்து உதைத்த பந்து பெனால்டி எல்லையில் இருந்த சுபுன் தனஞ்சயவுக்கு செல்ல அவர் அதனை ஹெடர் செய்து, அசாண்டே ஜெரோமுக்கு கொடுத்தார். அசாண்டோ ஜெரோம் அதனை கோல் கம்பத்துக்குள் செலுத்த முற்பட்ட போதும், ப்ளூ ஈகல்ஸ் அணியின் கோல் காப்பாளர் அதனை சிறப்பாக தடுத்திருந்தார். 

தொடர்ந்து பெனால்டி கட்டத்தின் கோர்னர் பகுதியிலிருந்து கிடைத்த பிரீ கிக் வாய்ப்பின் போது அசாண்டோ ஜெரோம் பந்தினை, சுபுன் தனஞ்சயவுக்கு கொடுக்க அவர் அதனை கோல் கம்பத்தினுள் செலுத்த ரெட் ஸ்டார்ஸ் அணி தங்களுடைய முதலாவது கோலினை 31ஆவது நிமிடத்தில் பெற்றது. இதனையடுத்து இரண்டு அணிகளும் எந்தவித கோல்களையும் முதல் பாதியில் பெறவில்லை. 

முதல் பாதி ரெட் ஸ்டார் 1 – 0 ப்ளூ ஈகல்ஸ் 

இரண்டாவது பாதி ஆரம்பித்த பின்னரும் இரண்டு அணிகளும் கோல்களுக்கான பல முயற்சிகளை மேற்கொண்டன. எனினும் இரண்டு அணிகளினதும் முயற்சிகளும் வீண் செய்யப்பட்டன. 

ப்ளூ ஸ்டார் அணியை 2-0 என வீழ்த்தியது கொழும்பு எப்.சி

வாய்ப்புகள் ஏற்படுத்தப்பட்டும் முன்கள வீரர்கள் அதனை சரியாக நிறைவுசெய்யாத நிலையில், மேலதிகமாக வழங்கப்பட்ட 5 நிமிடத்திலும் கோல்கள் எதனையும் பெறமுடியவில்லை. என இரண்டாவது பாதி கோலின்றி நிறைவடைய ரெட் ஸ்டார்ஸ் அணி 1 – 0 என வெற்றிபெற்று, தங்களுடைய இரண்டாவது வெற்றியை பதிவுசெய்து, புள்ளிப்பட்டியலில் 5ஆவது இடத்தை பிடித்துக்கொண்டது. 

முதல் பாதி ரெட் ஸ்டார் 1 – 0 ப்ளூ ஈகல்ஸ் 

கோல் பெற்றவர்கள் – சுபுன் தனஞ்சய 31’ (ரெட் ஸ்டார்) 

>> மேலும் கால்பந்து செய்திகளுக்கு <<