2026 மகளிர் T20 உலகக் கிண்ணம்; போட்டி அட்டவணை மற்றும் அணிகள் விபரம் வெளியீடு

2026 மகளிர் T20 உலகக் கிண்ணம்; போட்டி அட்டவணை மற்றும் அணிகள் விபரம் வெளியீடு 

சர்வதேச கிரிக்கெட் வாரியம் (ICC) மற்றும் இங்கிலாந்து கிரிக்கெட் சபை (ECB) ஆகியவை இணைந்து 2026ஆம் ஆண்டுக்கான மகளிர் T20 உலகக் கிண்ணத் தொடரின் போட்டி அட்டவணை மற்றும் அணிகள் இடம்பெறும் குழுக்கள் தொடர்பிலான விபரங்களை முழுமையாக வெளியிட்டுள்ளன.

இலங்கை – ஆப்கானிஸ்தான் தொடருக்கான போட்டி அட்டவணை வெளியானது 

2026ஆம் ஆண்டுக்கான மகளிர் T20 உலகக் கிண்ணத் தொடர் ஜூன் 12 முதல் ஜூலை 5 வரை இங்கிலாந்தில் நடைபெறவுள்ளது. கடந்த மாதம் மகளிர் T20 உலகக் கிண்ணத் தொடரின் தகுதிகாண் போட்டிகள் முடிவடைந்த நிலையில், தற்போது உலகக் கிண்ணத்தில் பங்கேற்கும் அணிகள் இடம்பெறும் குழுக்களும் உறுதியாகியுள்ளது.

இம்முறை நெதர்லாந்து மகளிர் அணி தகுதிகாண்  சுற்றின் மூலம் முதல் முறையாக T20 உலகக் கிண்ணத் தொடருக்கு  முதல் முறையாக தெரிவாகி வரலாற்று சாதனை படைத்துள்ளது. நெதர்லாந்துடன் இணைந்து இந்தத் தொடரில் பங்கேற்கும் 12 அணிகளும் இரண்டு குழுக்களாகப் பிரிக்கப்பட்டுள்ளன. 

• குழு 1: அவுஸ்திரேலியா, தென்னாபிரிக்கா, இந்தியா, பாகிஸ்தான், பங்களாதேஷ் மற்றும் நெதர்லாந்து. 
• குழு 2: மேற்கிந்திய தீவுகள், இங்கிலாந்து, நியூசிலாந்து, இலங்கை, அயர்லாந்து மற்றும் ஸ்கொட்லாந்து. 

தொடரின் முதல் போட்டியில் தொடரினை நடாத்தும் நாடான இங்கிலாந்து மற்றும் இலங்கை மகளிர் அணிகள் மோதுகின்றன. அதேநேரம் கிரிக்கெட் இரசிகர்களால் பெரிதும் எதிர்பார்க்கப்படும் இந்தியா மற்றும் பாகிஸ்தான் அணிகளுக்கு இடையிலான போட்டி ஜூன் 14 ஆம் திகதி நடைபெறவுள்ளது.

குழு 2 இல் காணப்படும் இலங்கை மகளிர் அணிக்கு  அதிக சவால்கள் நிறைந்ததாக 2026ஆம் ஆண்டின் மகளிர் T20 உலகக் கிண்ணத் தொடர் அமையவுள்ளது.  இந்தப் பிரிவில் நடப்பு சம்பியன் நியூசிலாந்து 2009ஆம் ஆண்டில் கிண்ணம் வென்ற இங்கிலாந்து மற்றும் 2016ஆம் ஆண்டில் சம்பியன் பட்டம் வென்ற மேற்கிந்திய தீவுகள் ஆகிய வலிமையான அணிகளுடன் இலங்கை மோதவிருக்கின்றமை சுட்டிக்காட்டத்தக்கது.  

இலங்கையின் போட்டிகள் 

>>மேலும் கிரிக்கெட் செய்திகளைப் படிக்க<<