වාර්තා අලුත් කරමින් බෝයගොඩ ලබාගත් ශතකය නිසා ජය ත්‍රිත්වයට

567

මහනුවර සුප්‍රසිද්ධ පාසල් ද්විත්වයක් වන ත්‍රිත්ව විද්‍යාලය හා සාන්ත අන්තෝනි විද්‍යාලය අතර පැවැත්වූ 37 වැනි සීමිත පන්දුවාර ක්‍රිකට් තරගය ලකුණු 149කින් ජයග්‍රහණය කළ ත්‍රිත්ව ක්‍රීඩකයින් රිචඩ් අලුවිහාරේ ශූරතාවය දිනා ගැනීමට සමත් විය.

ඩැනියෙල් සහ ඩැනියෙල් ඩාර්ලි පාරට ශූරතාව රැගෙන යයි

මරදාන සාන්ත ජෝසප් විද්‍යාලය හා බම්බලපිටිය සාන්ත පීතර විද්‍යාලය අතර 44 වැනි වරටත් පැවැත්වෙන වාර්ෂික එක්දින තරගය ඊයේ (24) කොළඹ SSC…

ඊයේ (24) සාන්ත අන්තෝනි විදුහල් පිටියේ දී ක්‍රියාත්මක වූ මේ තරගයේ කාසියේ වාසිය දිනාගත් ත්‍රිත්ව විද්‍යාලය පළමුව පන්දුවට පහර දීමට තීරණය කරන ලදි.

ශ්‍රී ලංකා වයස අවුරුදු 19න් පහළ ජාතික ක්‍රිකට් කණ්ඩායම නියෝජනය කළ ත්‍රිත්ව විද්‍යාල නායක හසිත බෝයගොඩ මෙම තරගයේ දී අගනා පිතිකරණයක නිරත වූයේ පන්දු 111ක් තුළ වේගවත් ලකුණු 109ක් රැස්කර ගනිමිනි. එම ඉනිම 4 පහර 12කින් අලංකාරවත් වූ අතර එම ශතකය වාර්තා පොත් අතරට එක්වූයේ ඔවුන්ගේ පාසල් ද්විත්වය අතර පැවැත්වූ සීමිත පන්දුවාර තරග 37 තුළ ත්‍රිත්ව විද්‍යාලය වෙනුවෙන් ක්‍රීඩකයෙකු ලබාගත් පළමු ශතකය එය බවට පත්කරමිනි.

බෝයගොඩට අමතරව තිසරු ඩිල්ශාන්, අභිශේක් ආනන්ද කුමාර් හා හසින්ත ජයසිංහ ලකුණු 40 ඉක්මවූ ලකුණු රැස්කර ගනිමින් නියමිත පන්දුවාර 50 තුළ ත්‍රිත්ව විද්‍යාල ලකුණු සටහන ලකුණු 305ක් දක්වා රැගෙන ගියේය. පන්දු යැවීමේ දී සත්කාරක සාන්ත අන්තෝනි විද්‍යාලය වෙනුවෙන් කල්හාර සේනාරත්න කඩුලු 3ක් දවා ගන්නා ලදි.

අරවින්ද ද සිල්වා අභියෝගතා කුසලානය මහානාමයට

අරවින්ද ද සිල්වා අභියෝගතා කුසලානය වෙනුවෙන් කොළඹ ඩී. එස්. සේනානායක විද්‍යාලය හා කොළඹ මහානාම විද්‍යාලය අතර පැවැත්වූ 12 වැනි…

ලකුණු 306ක දැවැන්ත ඉලක්කයක් හඹා යාමේ අරමුණ අතැතිව පිටියට පිවිසි සාන්ත අන්තෝනි විද්‍යාලයට කඩුලු සියල්ලම දැවී ලබා ගැනීමට හැකි වූයේ ලකුණු 156ක් පමණි. එහි දී නවෝද්‍ය විජේකුමාර් සාන්ත අන්තෝනි ඉනිමේ වැඩිම ලකුණු ලාභියා වෙමින් ලකුණු 37ක් ලබා ගන්නා ලදි. පන්දු යැවීමේ දී වේගපන්දු යවන ක්‍රීඩක රුවින් පීරිස් ලකුණු 19ක් තුළ කඩුලු 2ක් දවා ගන්නා විට දක්ෂ පිතිකරණයක නිරත වූ බෝයගොඩ කඩුලු 2ක් දවා ගන්නා ලදි.

ත්‍රිත්ව විද්‍යාලය – 305/7 (50): හසිත බෝයගොඩ 109, තිසරු ඩිල්ශාන් 47*, අභිශේක් ආනන්ද කුමාර් 46, හසින්ත ජයසිංහ 41, පුබුදු බණ්ඩාර 29, කල්හාර සේනාරත්න 3/47.

සාන්ත අන්තෝනි විද්‍යාලය – 156 (41): නවෝද්‍ය විජේකුමාර් 37, කල්හාර සේනාරත්න 31, තීක්ෂ ගුණසිංහ 15, රුවින් පීරිස් 2/19, හසිත බෝයගොඩ 2/28, කවිශ්ක සේනාධීර 2/44.

>> තවත් ක්‍රිකට් පුවත් සඳහා පිවිසෙන්න<<