ආරක්ෂක පෙළෙහි දුර්වලතා ශ්‍රී ලංකාව අඩපන කරයි

134

ලබන වසරේ තායිලන්තයේ දී පැවැත්වෙන වයස අවුරුදු 16න් පහළ කාන්තා ආසියානු ශූරතාවය සඳහා සුදුසුකම් ලැබීමේ තරගයකින් අද (15) ශ්‍රී ලංකාව පරාජයට පත්විය. ඒ ගෝල 4-2ක් ලෙසින් ගුවාම් දේශය හමුවේය.

සුදුසුකම් ලැබීමේ තරග අතරින් පළමු වටයෙහි (A කාණ්ඩයෙහි) සත්කාරකත්වය දරන්නේ ශ්‍රී ලංකාව වන අතර එම සියලුම තරග අද (15) සිට මෙම මස 23 වැනිදා දක්වා කොළඹ CR & FC ක්‍රීඩාංගණයේ දී පැවැත්වෙනු ඇත.

16න් පහළ ශ්‍රී ලංකා කාන්තා පාපන්දු සංචිතය නම් කෙරේ

ශ්‍රී ලංකා වයස අවුරුදු 16න් පහළ කාන්තා පාපන්දු කණ්ඩායම අද (15) ගුවාම් කණ්ඩායමට එරෙහිව AFC වයස අවුරුදු 16න් පහළ කාන්තා පාපන්දු ශූරතා තේරීම් තරගාවලියේ පළමු තරගයට…

A කාණ්ඩයේ තරගයක් වූ මෙම තරගයේ මුල් මිනිත්තු කිහිපයේ දී ශ්‍රී ලංකාවට දැඩි පීඩනයක් එල්ල කිරීමට ගුවාම් දේශයට හැකි විය. එහි ප්‍රතිඵලයක් ලෙසින් 10 වැනි මිනිත්තුවේ දී ගෝලයක් වාර්තා කිරීමට ගුවාම් දේශයට හැකි විය. ගෝලයේ හිමිකාරිනිය වූයේ එලීස් හාන්ය.

ඉන්පසු දිගින් දිගටම ශ්‍රී ලංකාවට පීඩනය එල්ල කළ ගුවාම් ක්‍රීඩිකාවන් 22 වැනි මිනිත්තුවේ දී නැවතත් ගෝලයක් වාර්තා කිරීමට සමත් විය. නමුත් ගුවාම් පිලේ ජදීන් රයිලි විසින් එම ගෝලය වාර්තා කිරීමෙන් අනතුරුව ශ්‍රී ලංකා කණ්ඩායම ද හොඳ සංවිධානාත්මක බවකින් යුතුව ක්‍රීඩා කරනු දක්නට ලැබීය.

28 සහ 32 වැනි මිනිත්තුවල දී පිළිවෙළින් ශ්‍රී ලංකා 16න් පහළ හොඳම ක්‍රීඩිකාවන් දෙදෙනා ලෙසින් හැඳින්විය හැකි රගුදාස් කිරුශාන්තිනී සහ නායිකා උත්පලා ජයකොඩි දෙදෙනාම ගුවාම් කණ්ඩායමේ අනිසි බලපෑම් (Foul) වලට ලක්වූ නමුත් ශ්‍රී ලංකාවේ වාසනාවකට ඒවා දැඩි ලෙසින් බලපෑවේ නැත.

39 වැනි මිනිත්තුවේ දී ගුවාම් ක්‍රීඩිකාවන් ඉතා අලංකාර පන්දු හුවමාරු කිරීම් (Passes) කිහිපයකින් අනතුරුව පන්දුව ශ්‍රී ලංකා ගෝල සීමාව ලෙසට රැගෙන ගිය ද, ගුවාම් ක්‍රීඩිකාවක් අනිසි ස්ථානයක (offside) සිටි බැවින් එම අවස්ථාව ඔවුන්ට මඟ හැරුණි.

ශ්‍රී ලංකාවේ පසිඳි දසනායක හට 40 වැනි මිනිත්තුවේ දී ගෝලයක් වාර්තා කිරීම සඳහා ඉතා හොඳ අවස්ථාවක් ලැබුනත්, ඇය විසින් එල්ල කළ වේගවත් පහර ගුවාම් දේශයේ ගෝල කණුව ඉහළින් පියාසර කරනු ලැබීය.

කාසියේ වාසිය පරාජය වූ ශ්‍රී ලංකාව තරගාවලියෙන් ඉවතට

2018 SAFF සුසුකි තරගාවලියේ අවසන් පූර්ව තරගයට පිවිසීමට තිබූ අවස්ථාව ශ්‍රී ලංකා කණ්ඩායමට ඊයේ (9) මග හැරී ගියේ මාලදිවයින හමුවේ කාසියේ වාසිය පරාජය වීම හේතුවෙනි. 2018 SAFF…

නමුත් ඉන්පසු ගෝලයක් වාර්තා කිරීම සඳහා ශ්‍රී ලංකාවට වැඩි වෙලාවක් ගත නොවූයේ 44 වැනි මිනිත්තුවේ දී ශ්‍රී ලංකාවේ ඉදිරිපෙළ ක්‍රීඩිකා රගුදාස් කිරුශාන්තිනී විසින් ශ්‍රී ලංකාව වෙනුවෙන් ප්‍රථම ගෝලය වාර්තා කිරීමත් සමඟින්ය. ගුවාම් ගෝල රකින්නියගෙන් සිදුවූ අත්වැරදීමක් සිය අවස්ථාව බවට  හරවා ගැනීමට කිරුශාන්තිනීට හැකි විය. කිරුශාන්තිනී විසින් ලබාගත් ගෝලය ශ්‍රී ලංකා 16න් පහළ කාන්තා කණ්ඩායමේ ක්‍රීඩිකාවක් විසින් වාර්තා කරන ලද ප්‍රථම ගෝලය ලෙසින් ඉතිහාස ගතවිය. ඇය යාපනය පන්දතරිප්පු උසස් බාලිකා විදුහලේ ශිෂ්‍යාවකි.

පළමු අර්ධය: ශ්‍රී ලංකාව 01 – 02 ගුවාම් දේශය

දෙවැනි අර්ධයේ 6 වැනි මිනිත්තුවේ දී (51 වැනි මිනිත්තුවේ දී) ගෝලයක් වාර්තා කිරීමට ගුවාම් දේශයට අවස්ථාවක් ලැබුණ ද, එම අවස්ථාව සාර්ථක කර ගැනීමට ඔවුන්ට නොහැකි විය. ඉන්පසු ශ්‍රී ලංකාවට ද ගෝලයක් වාර්තා කිරීමට තවත් වටිනා අවස්ථාවක් ලැබුණ ද නිමේෂා බණ්ඩාරට සාර්ථක වීමට ගුවාම් ක්‍රීඩිකාවන් ඉඩ ලබා දුන්නේ නැත.

ඉන් මිනිත්තුවක් පමණ ගත වූ තැන 54 වැනි මිනිත්තුවේ දී ගුවාම් කණ්ඩායම වෙනුවෙන් තෙවැනි ගෝලය වාර්තා කිරීමට ජේදීන් රයිලිට හැකි විය. ශ්‍රී ලංකා 16න් පහළ කණ්ඩායමේ ගෝල රකින ක්‍රීඩිකා ජෙගනාදන් ජෙතුන්ශිකා ඉතා හොඳ ගෝල රකින්නියක් වූවත් මෙම අවස්ථාවේ දී නම් ඇය විසින් සිය උපරිමය නොපෙන්වූ අතර ඒ අවසරයෙන් රයිලි විසින් ගෝලය වාර්තා කර 3-1ක් ලෙසින් ගෝල පරතරය වැඩි කරන ලදි.

ශ්‍රී ලංකාවෙන් විශිෂ්ට ක්‍රීඩා රටාවක්

2018 SAFF Suzuki කුසලානයේ ශ්‍රී ලංකාව මුහුණ දුන් දෙවන තරගය ගෝල 0-0ක් ලෙසින් ජය පරාජයෙන් තොරව නිමා විය. අද (7) සවස 6.30ට බංගලාදේශයේ ඩකා අගනුවර බංගබන්ධු…

ඉන්පසු තවත් ගෝලයක් වාර්තා කිරීමට ගුවාම් නායිකා තේරියා බර්නඩේට් හට හැකි වූයේ තරගය පිළිබඳ ශ්‍රී ලංකාවට තිබූ සියලුම බලාපොරොත්තු සුනුවිසුනු කර දමමිනි. නමුත් 77 වැනි මිනිත්තුවේ දී කිරුශාන්තිනී විසින් ශ්‍රී ලංකාව වෙනුවෙන් තවත් ගෝලයක් වාර්තා කරන ලදි. නමුත් ශ්‍රී ලංකාව හට තරගය ජය ගැනීමට හෝ ජය පරාජයෙන් තොරව නිමාකර ගැනීමට හෝ එම ගෝලය ප්‍රමාණවත් නොවීය.

තරගය 4-2 ක් ලෙසින් නිමා විය. ඒ ගුවාම් දේශයට තරගයේ ජයත්, ප්‍රසාද ලකුණු තුනත් හිමිකර දෙමිනි.

අද දින උදෑසන A කාණ්ඩයේ පැවති තවත් තරගයක් ජය පරාජයෙන් තොරව නිමා විය. ඒ ජෝර්දානය සහ උස්බෙකිස්තානය අතර තරගයයි. ශ්‍රී ලංකාව සහභාගී වන මීළඟ තරගය ලබන 17 වැනිදා සවස 3ට ජෝර්දානයත් සමඟින් පැවැත්වෙනු ඇත. එම තරගයේ සජීව විකාශය සහ තොරතුරු ද ThePapare.com වෙතින් ගෙන එනු ලැබේ. රැඳී සිටින්න ශ්‍රී ලංකාවේ අංක එකේ ක්‍රීඩා වෙබ් අඩවිය වන ThePapare.com සමඟින්.

අවසාන ප්‍රතිඵලය: ශ්‍රී ලංකාව 02 – 04 ගුවාම් දේශය

ගෝල වාර්තා කළ ක්‍රීඩිකාවන්

  • ශ්‍රී ලංකාව – රගුදාස් කිරුශාන්තිනී (44′, 77′)
  • ගුවාම් දේශය – එලිස් හාන් (10′), ජදීන් රයිලි (22′,54′), තේරියා බර්නඩේට් (75′)

>> තවත් පාපන්දු පුවත් සඳහා පිවිසෙන්න – පාපන්දු ක්‍රීඩා පිටුවට <<