30 දෙනෙකුගේ සංචිතය තෝරා අවසන්

ඉදිරියේ දී පැවැත්වීමට නියමිත වයස අවුරුදු 16න් පහළ ආසියානු පාපන්දු ශූරතාවලියට (AFC) සුදුසුකම් ලබා ගැනීමේ තරගාවලිය සඳහා ශ්‍රී ලංකාව නියෝජනය කිරීමට ක්‍රීඩකයින් 30 දෙනෙකුගෙන් යුත් සංචිතයක් ශ්‍රී ලංකා පාපන්දු සම්මේලනය (FFSL) මඟින් තෝරා ගෙන ඇත.

ශ්‍රී ලංකා පාපන්දු සම්මේලනය මඟින් තරගාවලියට ක්‍රීඩකයින් තේරීමේ කටයුතු පසුගිය 17 හා 18 යන දිනයන්වල හී සිටි පාපන්දු සංකීර්ණයේ දී පවත්වන ලදි. ඒ අනුව 17 වන දා උතුරු, නැගෙනහිර, මධ්‍යම සහ උතුරු මැද පළාත්වල තේරීමේ කටයුතු පැවති අතර 18 වන දා පැවතියේ දකුණු හා බස්නාහිර පළාත්වල තේරීම් කටයුතු යි. එම දින දෙකේ දී තෝරා ගත් ක්‍රීඩකයින්ගේ අවසාන තේරීමේ කටයුතු මෙම මස (ජුනි) 24 වන දා පවත්වන ලදි.

උතුර, නැගෙනහිර සහ මධ්‍යම පළාතේ තේරීමේ කටයුතු අවසන්

2018 වසරේ දී පැවැත්වීමට නියමිත අවුරුදු 19න් පහළ ආසියානු පාපන්දු ශූරතා තරගාවලියට සුදුසුකම් ලබා ගැනීමේ..

මෙම සංචිතය සඳහා තේරී පත්වූ ක්‍රීඩකයින් 30 දෙනාගෙන් 10 දෙනෙක් මෙම වසරේ මාර්තු මාසයේ දී රටවල් 4ක සහභාගීත්වෙයන් පැවති දකුණු ආසියානු – ජපාන පාපන්දු තරගාවලිය සඳහා සහභාගී වූ ශ්‍රී ලංකා සංචිතය නියෝජනය කර ඇත. ඒ ක්‍රීඩකයින් 10 දෙනා වන්නේ රවිකුමාර් තනුජන්, එච්. එම්. ජේ. චමෝද්, මොහොමඩ් රිකාස්, මොහොමඩ් රුෂ්කාන්, මොහොමඩ් උමාර්, මොහොමඩ් ආශික්, නබීල් නිසාම්, චමත් කොඩිතුවක්කු, සංදීප වාස් සහ විෂල්ක සුලක්ෂණ ය.

එමෙන්ම උතුරු හා නැගෙනහිර පළාත්වලින් ක්‍රීඩකයින් 04 දෙනෙක් මෙම සංචිතය සඳහා තේරී පත්වී ඇත. ඒ රවිකුමාර් තනුජන්, කේ. සුදර්ශන්, ඊ. දිනයියාස් සහ එම්. රියාස් යන ක්‍රීඩකයින් ය. ෂෙහාන් බ්‍රයන් වීරප්පුලි, රුමේෂ් මෙන්ඩිස්, ලක්ෂාන් ධනංජය සහ නවෝත් විහඟ යන ක්‍රීඩකයින් දකුණු පළාත නියෝජනය කරමින් මෙම සංචිතය සඳහා තේරී පත්වී ඇත.

අනුරාධපුර සාන්ත ජෝසප් විද්‍යාලය නියෝජනය කරමින් ක්‍රීඩකයින් 03 දෙනෙක් තේරී පත්වී ඇති අතර ඒ. අක්ෂත් මිහිරු විජේසූරිය, ධනංජය ද සිල්වා සහ රසිඳු රශ්මික රණසිංහ එම ක්‍රීඩකයින් තිදෙනා ය. ඊට අමතරව හමීඩ් අල් හුසේනි විද්‍යාලයෙන් සහ මාරිස් ස්ටෙල්ලා විද්‍යාලයෙන් ක්‍රීඩකයින් දෙදෙනෙක් බැගින් ද මෙම සංචිතය සඳහා තේරී පත්වී ඇත.

ක්‍රීඩකයින් 30 දෙනාගේ සංචිතය –

>> තවත් පාපන්දු පුවත් සඳහා පිවිසෙන්න – පාපන්දු ක්‍රීඩා පිටුවට <<